لا تاخذو برأي البايع

موضوعي اعترف انه تافه بس من قهري حبيت انبهكم عشان لا تعيشو احساسي الحالي
لما تشتري شي خدي رأي اللي معاكي أو اعتمدي على رأيك الشخصي بتمعن
لا تعتمدي على رأي اللي يبيعك أتأكدي بنفسك أحسن لأن هدفهم تصريف البضاعه و للأسف اغلبهم مو كلهم ما عندهم خوف من الله في شغلهم
اكتفي بذكر موقفين صارولي هذا الاسبوع
اخذت رأي اللي تبيع العطور و خدعتني قالتلي ان العطر اللي ابغاه مخلص بس العطر التاني و هو نفس الماركه بس لونه غير نفس الريحه تماما بس تركيزه اقوى
و اكتشفت بعدين ان الريحه تصرع و ماله أي علاقه بالعطر اللي كنت ابغاه
و التاني طلبته ساعه لونها اسود و قرا العلبه قدامي و ياريتني ما وثقت فيه و قريت أنا بنفسي طلعت خضرا و مكتوب كده عالعلبه يعني مو خطأ مطبعي
و اللي زعلني ان العطر و الساعه سعرهم غالي و هدايا و طبعا اللي اهديتهم ما علقو بس ردة فعلهم باينه من وجههم
الحمد لله على كل حال و الله لا يجعل الدنيا أكبر همنا.