لا تزال مشكلتي مع المعكرونة بالباشاميل قائمة!!!

مرحبا حبوباتي الطباخات الماهرات.....



زمااااان كنت أشتكي من ان الباشاميل ما يضبط معاي .. ودايما يتكتل والمقادير ما تضبط .. ومرة يطلع غليظ ومرة يطلع مايع.

الحمدلله المشكلة انحلت بفضل وحدة مصرية من عضوات المنتدى ... وجزاها الله خير حطت لي طريقة (ما تخرش المية) .... وفعلا صرت اسوي الباشاميل الحين بمنتهى الثقة وبأعصاب باردة.

والحشوة اسويها دجاج مفتفت مع مشروم مقطع وبصل مقطع وحبتين ماجي وشوية فلفل أسود ..... والطعم يطلع تمام التمام.

لكن عندي مشكلة ثانية....

بعد ما اخلص الطبخة واطلعها من الفرن .. طبعاً يكون وقت التقديم ....... بس يوم اغرف المعكرونة ما تكون القطعة متماسكة وجامدة مثل المطاعم .... ما ادري فهمتوني والا لا !!!!


أم زوجي اقترحت اني اسلق المعكرونة بزيادة عشان تلين أكثر وبالتالي بتتماسك وقت التقديم .... بس انا بصراحة ما اقتنعت بالفكرة لان السلق الزايد عن الحد بيأثر على شكل المعكرونة ومب حلو المعكرونة تكون معجنة .. وانا احب المعكرونة تكون ناضجة بس كل حبة ماسكة نفسها مب كأنها عجينة.

وصديقتي اقترحت اني قبل ما احط المعكرونة والحشوة اصب شوية باشاميل في قاع الصينية وبعدين احط المعكرونة والحشوة واخلطهم شوي بمقدار من الباشاميل وفي النهاية اغطي الكمية كلها بطبقة الباشاميل النهائية ... وفعلاً طبعت هالاقتراح بس بعد ما تماسكت المعكرونة والحشوة من داخل.

ومب حابة اسوي الباشاميل غليظ وايد لأني ما احبه بهالشكل .. وافضل انه يكون وسط بين الغلظ والليونة,

فشو الحل؟!!!!!