لا تقطع أرحامك

 لا تقطع أرحامك و يشملك الوعيد،،،
ولا تخسر الغالي و لا ترخص غلاه

و أخوك لا تخسره لو إنه عنيد،،،
يخطي مئة مره و تسمح له خطاه

و إنكان شد الحبل حاول ما تزيد،،،
إرخيه قبل الشد يوصل منتهاه

ولا تنصحه وقت الزعل ما يستفيد،،،
و إعرض عليه النصح في ساعة رضاه

و إليا طلب رأيك عطه رايٍ سديد،،،
و إن ما طلبك الرأي لا تبحث خفاه

و إعرف ترا قرب المنازل ما يفيد،،،
و أحيان يبدي شي ما ودك تراه

لكن لا تقرِّب و لا تنزل بعيد،،،
خلك على قول المثل حذفة حصاه

و إحفظ حبال الود حفظك للوريد،،،
اللي معلق فيه موتك و الحياة

ترا الأخو مهما حصل يبقى عضيد،،،
و ترا عيال العم ما عنهم غناة

الناس دايم ما تهاب اللي وحيد،،،
اللي ليا منه وقف محدٍ معاه

( القرايب حبايب )
لا تسمع كلام الحاقد اللي يقول :
 ( الأقارب عقارب )
و إسمع كلام الصادق الصدوق الذي قال :

( و أتقوا الله الذي تساءلون به و الأرحام )

رساله تحمل كلام جميل في كيفية التعامل مع الأقارب و إحترام الخصوصية و حسن الظن
راقت لي .