لا تمرضين انتبهي

باختصار هذا اللي يبيه زوجي قبل ثلاثه ايام جاني مغص ماقدرت انام منه بعد الفجر جيت اطلب منه يوديني المستشفى رفض ونام وبعده بيومين زاد الوجع علي وهو كان برا مع اصحابه تحملت يابنات قد ما اقدر وبعدين خلااااااص كلمته قلت تعال اللحين ودني المستشفى قال طيب وتأخر دقيت ع اخوي وقبل ما يوصل اخوي وصل زوجي ركبت معاه قام يسبني ويهزأني خاصة لما عرف ان اخوي جاي بالطريق وانا اتلوى من الالم وداني المستشفى عطوني مهدئات ومغذيه وقالو عندها التهاب في المعده ويسبب الالام شديده بنفسي سمعت الدكتور يقول له هالكلام جات امي وابوي واخواني وتطمنو علي وقالو خلها تجي عندنا كم يوم مارضى وانا باهتم فيها رحت معاه صحيت ثاني يوم وهو قالب وجهه ومعصب ويقول اصلا الدكتور قال ما فيك شي بغيت انجننننن يا بنات يعني انا والدكتور واهلي والتحاليل كله كذب وما فيني شي شلت اغراضي وعيالي ورحت بيت اهلي حتى دواي من القهر ما شلته انا اللحين عند اهلي اهتمو فيني وخذو لي ادويه من الصيدليه وتحسنت كل شوي يدق علي وانا مو قادره انسى موقفه ودي افضفض لكم وش رايكم في اللي سواه مع العلم انه دايم كذا يحسسني اني مو لازم امرض واي مرض يجيني مهما كان يصغره ولما احد من اهله يتعب لو زكام ولا انفلونزا يكبر الموضوع ويجبرني اكلمهم واسأل عنهم امس امه اتصلت فيني تتطمن وووحده من سلايفي والباقين ولا همهم بس انا اللي قاهرني زوجي