لا للخدم بس اشلون

بخصوص الخطه ان شاء الله البنات ما بيقصرون وياج
طبعا خذي الاجهزه اللي تساعد على الشغل ( كوايه كبس - غساله فل اوتوماتيك - غساله مواعين - الممسحه السحريه - جهاز طبخ الرز الاوتوماتيكي - قلايه اوتوماتك .. الخ )
بس من ناحيه الطبخ حاولي تاخذي يوم بالاسبوع لتجهيز الاكل المفرزن يعني لفي ورق عنب وسمبوسك وفطاير ومشاوي ووو وكلها ع الفريزر بتلاقي ملف عن التفريز بيسهل عليج الطبخ وطبخ ساعه بتخلصيه باقل من 10 دقايق
اما التنظيف خذي يوم كامل للتنظيف العميق ورتبي كل شي بمكانه عشان اذا احتجتي شي تعرفين مكانه وما تحوسين وباقي الاسبوع للتنظيف اليومي السريع بتخلصينه باقل من ساعتين يعني بتلاقي وقت ان شاء الله وبيكون ( كنس كامل المنزل ع السريع - مسح الارضيات ع السريع - غسل التواليت والبانيو ومسح ارضيه الحمام - مسح المطبخ - ترتيب السراير - وباقي الشغل اليومي ع حسب حاجتج وبيتج )..

اهم شي الاتكال على الله وتنظيم الوقت وان شاء الله بتتوفقين من غير شغاله الموضوع بكل بساطه ( عزم واراده تهزم المستحيل ) ومافي احلى من الانفراد التام بتربيه الاطفال والاهتمام بالمنزل والزوج والله رااااااااااااااااااااااااااااااحه يحسدونج عليها اللي عندهم خدم ..

والله انج صاجه راحه
جزاك الله كل خير والله يعينا اجمعين

الله يعيننا الشغالات هم لا بد منه وخاصه للي اطفالها صغار وعندها وظيفه صعبه تعطين كل شيء حقه وانتي موظفه وام وزوجه والاهل

سوي لك جدول تنظيف البيت يومي يكون بعد المغرب بما انك موظفه الصبااح لان اذا رجعتي على طول للمطبخ عشان الغدا وانتي بالمطبخ تطبخي والغدا يغلي نظفي ورتبي المطبخ ومسحي الارضيه واذا تغديتي خوذي قسط من الراحه بعد الغدا
العصر درسي اعيالك ورتبي غرفهم مع مساعدتهم

وزي ماقلت المغرب تنظيف البيت

اما الملابس خليها يوم بالاسبوع الغسيل الاثنين وثاني يوم الكوي الثلاثاء بس

ويوم الاربعاء والخميس لك اجازه وطلعه يوم الجمعه شطفي البيت كله من غرف للصاله للمطبخ للحمامات يوم التنظيف العالمي

وسلامتك