لا للمقارنات!!!

السلام عليكم جميعاً وأخباركم من زمان عنكم المهم اللي خلاني
اكتب هالموضوع كثر ماألاحظه على قريباتي وصديقاتي من
مقارنة أوضاعهن بغيرهن مثلاً وحدة تقول :زوج أختي سفرها برا وأنا
زوجي ماسفرني وتقعد تحسر وتحرق في نفسها لاهي اللي أرتاحت
من المقارنة والتفكير ولا هي اللي حصلت اللي تبغاه!!!
والثانية تقول زوج صديقتي طلعها من نفاسها بطقم ذهب وأنا لا وتقعد تنق على زوجها وماراح تستفيد إلا وجع قلبها!!!
والثالثة تقول زوج بنت عمي كل سنة مغير أثاث بيتها وأنا ياحسرتي
من يوم تزوجت وأنا هذا أثاث بيتي وتقعد تلت وتعجن في هالموضوع
وماراح تستفيد إلا الحسرة والقهر!!!
والرابعة مالها شغلة إلاهالموظفات مبسوطات واللي يبغونه يشترونه
ولامذلة الرجال وفي المقابل الموظفات مالهن سيرة إلا اللي جالسات في البيوت وماحصلها إلاهن مرتاحات في بيوتهن وكل شئ عندهن!!
ولا الموظفة أرتاحت وإلا في البيت أرتاحت وكله من هالمقارنات!!!
فلو كل وحدة منا أرتاحت من المقارنة بغيرها وقنعت بحياتها كان
أرتاحت وريحت اللي حولها من شكاويها وتففها الدائم..
وياليت كل وحدة تعرف أن ظروف حياتها غير ظروف غيرها!!!
وأن اللي ممكن تشوفهم مرتاحين في جوانب معينة من حياتهم ممكن يكونون تعبانين في جوانب أخرى أنت ماتدرين عنها وتكونين أنت
في المقابل مرتاحة فيها!!!
وتأكدي بعد أن شخصية زوجك وطباعه ماراح تكون مثل غيره فأنت
تأقلمي مع شخصيته وطباعه وبتحصلين أن شاء الله على اللي تبغينه..
الخلاصة ياحلوات أذا دربنا أنفسنا على ترك هالمقارنات سننعم بالراحة النفسية والسعادة والهناء.
وياليت ألقى تفاعل في الموضوع ومشاركة واثراء للموضوع
محبتكم:أخت الشهيد