وردة الكــادي :

صحيح هاذي عادات أهل الإمارات بس الصراحة العبي كثيرة أما الشناط اللي من عند أهل المعرس فهاذي تبقى لأم العروس وتوزعها على أهلها ومعارفها لأنه إذا أهل المعرس جابولها زهاب وماوزعته الناس بتاكل ويها وبيزعلون أما البعض يعطي فلوس بدل الزهبة تقريبا عشرين ألف وتاخذهم أم العروس وطبعا مافي توزيعات إذا عطوها فلوس<<<<<طبعا جيه توزيعات أهل الإمارات (أقمشة) أما الدخون والعطورات اللي من عند أهل المعرس أغلبها تكون للضيوف وقت العرس يعطرونهم ويدخنونهم منها أما مهر العروس يكون عشرين ألف اللي محددتنه الدولة منعا للاسراف ولكن بعدين المعرس يدفع مبلغ يتراوح بين مية ألف إلى ستين ألف عند الناس اللي دخلها متوسط طبعا غالبا بدون ذهب لان أهل المعرس يشترون الذهب وهيه تتقضى بهذا المبلغ الأشياء اللي تخصها وبعدين يتم عرض الزهبة أو المكسار مع الهدايا اللي توصلها من أهلها وصديقاتها وتكون أغلبها صناديق عطر وساعات بالهبل ومفارش (ماتلاحظون ان صناديق العطر عليهن بطاقات مكتوب فيهن يعني هدايا) وقبل كانوا يهدون ذهب بس مع ارتفاع سعر الذهب الناس بطلت تهدي ذهب والكل هاب فالساعات يهدي واللي مب مصدق أنها زهبة عروس يصدق لأنه هذا الشئ واقع ولكن يمكن هاذيلا هوامير لأن الألماس والذهب كثير وسلامتكم:)

صحيح هاذي عادات أهل الإمارات بس الصراحة العبي كثيرة أما الشناط اللي من عند أهل المعرس فهاذي تبقى...