وبمصطلحنا العامي عشان تفهمون (مع الخيل ياشقراء) وياكثر الامثله
اللي مانعدها ولا نحصيها علىحكايه المشي وراء أفكار الناس
مثل حكايه السفر لماليزيا ( خلونا نتكلم بصراحه بدون مكابره)
ملك بيتزوج شهر العسل في------------------ > ماليزيا
سباك بيتزوج شهر العسل في------------------ > ماليزيا
خباز , مهندس , مدرس ................. كله ماليزيا
********************************
هذا دليل على ظاهرة الفكر الجمعي , يعني حتى لو الواحد ما اقتنع
بالسفر لماليزيالالالالالالالالالازم يسافر , ليه ؟ لان الناس سافروا
====================================
وعشان تفهمون أكثر خلونا ندخل للظاهره من مدخل ثاني :
حكايه بعض (وأكرربعض) البنات اللي مايقدرون اهلهم يحطون لهم
زواج كشخه , تقعد تصيح وتحن وترن على أهلها (لازم تحطون لي عرس
لا فلانه ولا علانه احسن مني !! (وشحيثهن !)
طيب يابنت الحلال الوالد منتف حرام تظلمينه منين بيحطلك عرس بشىءوشويات
( اعرف بنت لها 5 سنوات متزوجه ولازالت تسدد تكاليف زواجها , ليه؟
من كثر الخرابيط والبرابيط اللي سوتها (( والله محد درى عنها)) )
لازم يحطون (البعض) زفه وكوشه وباتشي >--- -- < وبقل
وشاهي وغجر ويانسون وليمون وزنجبيل وكمون وبهارات وحليب وكابتشينو ماناقص إلا يجيبون نفاس وتكمل الحفله خخ
وكليجا وقرص عمر .....(هاهاها)
بالاضافه الى التمريات والسكريات والفطائر والكيك وكل مالز وطاب
وش بقى !!!!!!!!! مابقى إلا يوزعون بفك وشطه وحلاو نظاراتهاهاهاهاهاهاهاهاهاهاهها
وهات يازعل من حكايه البطاقات الشخصيه انواع المجازرمطاقق وهواش , انا اعرف مليون حرمه من اقاربي متزاعلين ...
والرجال متهاوشين والبزارين صار فيهم عقد وتوحد من سالفه
( ممنوع اصطحاب الاطفال ) اذا شافوها دعو على العرسان
------------------------------------------------------------
ومارحمت إلا حارس القاعه الضعيف !!!!!!!!!!!!!!!!!!!!!!
تجي له وحده (ماإنعزمت أصلا ) ومعبيه جمس من الحريم وكلهن بيدخلن
يقول الحارس يامدام معليش لازم بوطائه مئدرش أدخلك أم العروصه
منبهه علي مادخلش حد
تقول الحرمه : وخّر أهوه ,, هجوم يابنات ,, ويوطونه
ويدخلون --------------------------------- < الى البوفيه
--------------------------------------------------------------
طبعا البوفيه هو الهدف الرئيسي لهذي الاشكال , مقاتلات عليه كانهم
عقده نمل على حلا ( ماشافو العيشه!!)
طبعا ماتشوفون إلا الغباروالجزم الطايره وتلحيس بهالصحون
وشفط بهالعصيرات
وبعضهن تدخل شيك وماتكلم أحد , المكياج يلمع آخر شياكه وعزة نفس
وكرامه ( ايه هين نشوف اذاجاء البوفيه ) , تروح الكرامه وتروح الكشخه
وتدخل في دوامة الصراع على البوفيه , ولاتنسون السعابيل اللي تقطر
واذا انتهى العشاء يرجعون كشخه وترجع الكرامه والاتيكيت والرقه
( طبعا أعزائي هذي الظاهره منتشره نعم وبعض البنات يشهدون بكذا
ولكن ليس في كل الطبقات ولا في كل الحفلات)
----------------------------------------------------------
نجي للعروس ( اللي قلبها يدق 220
) خوفا من فشل الحفله , تلاقيها محبوسهبغرفه مع الكوافيره (وهات ياصياح ومطاقق البنيه وش ملحها وشعرهاناعم
وتبغى تسريحه حلوه مثل صوره اختارتها , وبعدين تجيك الميكانيكي ((عفوا
الكوافيره)) ماتقصر تحوس الشعر وتلخبط المكياج
وتقول : انتي طلبتي كده
والعروس : لا انا ماطلبت كذا .............. وهات ياهواش
الوحده احيانا تدخل محل كوافيره مبتسمه للحياة متفائله والبوك مليان فلوس
تطلع مفلسه وشعرها حوسه ومنتف
-----------------------------------------------------------------
وبعدين تجي (بعض المصورات النصابات ) , تلهف ألوفات وتقول
هذي عشان تصيري حلوه طبعا تصويرنا مو أي تصوير(شعارنا السريه
وعنواننا الخصوصيه) , ومن بكره صوره البنت وزوجها واصله سكان
الآسكا وزحل !! ( وهذا عند بعض الاستوديهات
وراعين الكوشات علومهم علوم (بعضهم متخصص وفنان) لكن البعض
الاخر لاعب على هالضعوفه , تشوف البنت كوشه وش حلاتها
واذا جاء التنفيذ شىء اخر تماما , مثلا :
تبغى البنت كوشه على شكل اهرامات , يجيب لها الاخ كراتين تايد
وقراطيس أولكر ويقول هذي أهرامات إيه أهلين أهرامات
وبنت تبغى كوشه ثلج يقطع لها كم قطنه من شنطه الاسعافات الاوليه
ويقول هذا ثلج !!!!!!!!!!!
وبنت تبغى كوشه أدغال (البنيه شايفتها بعرس وعاجبتها ) يقوم يسرق لها
من اقرب حديقه كم شجره ونبته ونمر بلاستيك من ألعاب ولدهوقماش منقط
من ابو هلله وربع ويقول يالله ايديك على 40 ألف , أما لو يحط لي احد مثل
هالكوشه ليلة عرسي والله لأنهبل وأكمل المهزله وألبس مثل طرزان وانزل
على الناس بحبل ( آآآآآآآآآآآ آآآآآآآآآآآآآ آآآآآآ ) عشان اسوي حركه جديده ...
-----------------------------------------------------------------
أما عن الكبوس ( أقصد العيون) المسلطه على العروس المسكينه
نتناول اذا أصابت البنت عين كامله :
فهي من الكوشه الى العنايه المركزه (طاااااااااازه من الفرن الى المائده
في حاله اصابت البنت بنص العين :
تتطلق
أو تجي ثاني يوم الشعر متقصف , والرموش منتفه وعيونها مفقوشه
متهاوشه هي وأبو الشباب من قنابل الحريم ......
------------------------------------------------------------------
وأم العروس حكايتها حكايه من كثرة مشاكل الحريم , تجيها (متلازمه داون
ما راحت ذيك الليله على خير , الكل ناشب في حلقها هذي تجي تصيح
دخلي ولدي تراه عند الباب حرام عليتس ماعنده احد بالبيت , والثانيه
تقعد هي وبناتها عند الباب (كانهم شحادات , لانهم غير مدعوين ) ويقولون
اللي جابنا راااااح ( حيله قديمه ومغبره ,, طيب مو مشكله خوذو تاكسي
وارجعو بيتكم (( وحده نذله )) )
وإلا حكايه الحضور أكثر من الكراسي تسألون لييييش ؟؟
عن طريق التزوير في البطاقات والهجوم بعنف على البواب المسكين
وإلا مشكله اللي تنشب بحلق (ام العروس ) ياأخيه حرام عليك الطق حرام
( وطبعا انا قاعده اتكلم عن الناس اللي يحطون دف بدونموسيقى وين الحرام
في كذا !!!!!!!!
وتقوم تهاوش وتأخذ الميكرفون وتذكر بالموت والقبر والنار ....
( احنا ماقلنا شىء عساكم على القوة ان شاء الله و الدعوة اشرف رساله
لكن لها أصول واعتبارات واماكن , الناس جايه تفرح بعرسانهم
قال تعالى " وادعو الى سبيل ربك بالحكمه والموعظه الحسنه "
وفيه بعض الحريم هداها الله تشوه صورة الملتزمات والداعيات المحترمات
وتجي للعرس وهي عارفه انه فيه طق وتقعد عند الباب وتقول حرام عليكم
ولا حظو تراها عارفه بحكاية الطق وياليته مع موسيقى مجرد دف عادي ,,
والرسول عليه الصلاة والسلام اباح الدف للنساء في الزواج
(إقعدي بالبيت احسن وإلا قولي أنا على بلاطه جايه للبوفيه !!
------------------------------------------------------------------
وإلا عاد الحضور انواع واشكال :
حريم تقعد على الطاوله تلف الحلا كله وتدف وراه الفطائر (هذا غير
المسروق بالشنطه !! ) وتشفط كل ترامس القهوه والشاي
ونوع من قعدو وهم مبققين عيونهم عشان يقلدون بعروسهم القادمه
ونوع يسجلون كل الاحداث ( حتى مايرمشون من التركيز
لزوم الحش ( والتحليل الرياضي اذا رجعو للبيت ) , والحسنات رايحه
جايه ......
وفيه نوع مهذب مؤدب راقي محترم يحضر بأدب وينصرف بأدب
وهذا هوالغالب
( وطبعا تتراوح هذه النسب مابين خفيفه الى متوسطه الى غائمه جزئيا
حسب مستوى الحضور
وياويل البنت اللي شعرها حلو (تكتب على شعرهاالسلام) اذا حدث
ونجت بأعجوبه , فانها تطلع من العرس وشعرها مثل شعر ولد عبدالله السدحان
في حلقه ( آباء نت ) , وفيه بعض الحريم المشاكسات واللي شايفات انفسهم
تشوفها من بعيد لابسه طقم يهبل أقل شىء 50 ألف ( ألماز يقنن يأخواني
وإذا تبقشت العلوم تلاقيه على بسطات الحريم مع الصواريخ والفشافيش
-----------------------------------------------------------------
وفي الختام يابنات ياحلوين (يابعد قلبي انتو ) القادره منكم مافيه مانع
تحط اللي تبيه , لكن اللي ماتقدر لاتحمل نفسها واهلهاوعريسها مالا
يطيقون
والله ماأحد داري عنك أنتي عايشه بنعيم ,والاعذاب مقيم
والناس مايفيد فيهم والله لو تحطينهم بافخم قاعه وتقدمين لهمالمن والسلوى
وإلا باستراحه والطق بتنكه وتقدمين حلاو بقر وتانج
(خلو البساط احمدي) ----- < يعني خلونا صريحين
حكايه الطناز ه ماراح تخلصون منها , الناس مثل العلك تشيله من أيدك
يلزق بشعرك.......... والله حاله
عشان كذا خلو زياده المصاريف بشهر عسل زي العسل , تنبسطين
فيه انتي وزوجك وبس والباقي خس
ومقدما مبرووك لكلاللي بيتزوجون في إجازة الصيــف ولا تنسون أنه هدفنا
الطرح الهادف وليس مجرد التهكم والضحك وكل هذا من واقعنا والله ما جبنا
شيء من الخيال ............
ملطوش لطشه محترمه
تسلمين .. يجنن الموضوع ..
بصراحة انا ما تشرطت بس قلت
اذا بتسوون العرس بصالة مو حلوة
بلاها وبسافر مع زوجي وخلاص>>>> تكفين يعني ما تشرطتي :)
بس الحمدلله مشت الامور تمام وكان الزواج حلو وفخم بس بدون مبالغات ..هذا اهم شي والتوفيق من رب العالمين ..
وكل كان يمدح .. بس بصراحة ما تكلفت ابد ..
صحيح كان بفندق بس كان معقول ولا فيه من هالفناتق اللي هابين فيها الناس ..
وعدت على خير .. الحمدلله ..
اما سالفة اللي يدخلون بدون بطايق .. خخخخخ .. ودي اكفخهم ..