لبشره نظره ورديه خاليه من الروؤس السوداء طريقه فوريه "

السلام عليكم بنات

كلنا نعرف فوايد الشاي الاخضر لجميع مشاكل الجسم


والاهم انه يحتوي على كميه كبيره من مضادات الاكسده اللي يحتاجها جسمنا

فيتامين E
من احد الفيتامينات الضروريه لنضاره البشره


وما نشوف كريم او خلطه تخله منه





الزبده



وانا افتر باليوتيوب لقيت فيديو حييييل عجبني وخلاصته شلون نسوي مكعبات من الجاي الاخضر وفيتامين e والصراحه انا ما صدقت وقلت خلني احطه بموضوع عشان يستفيدون > فديتكم



طريقتها حيل بسيطه وحلوه وما تعب وتقنع انها مفيده لنضاره وشد البشره



http://www.youtube.com/watch?v=CGt3DBDHLy4



الخطوات اللي سوتها

1 : حطت غلاف واحد من الشاي الاخضر بماي معتدل الحراره



2: وبعدين حطت خمس كبسولات فيتامين اي



3: استعملت الايس ميكر (صانعه الثلج ) وصبت فيها اللي سوته وبعدين دخلته الفريزر



4: انطرت ساعه لين شوي يجمد بعدين حطت بكل مكعب عود وبعدين نخليه لليوم الثاني للاستعمال



وتمسحين فيه ويهج اما الصبح او بليل بس يفضل الصبح اول ما تقعدين من النوم



الصراحه بشرتها خير دليل هالطريقه فوريه للتخلص من لروؤس السوداء اللي بالانف


وبالتالي تكون البشره نظيفه حيل


http://www.youtube.com/watch?v=-bjOB4zS0uE


الخطوات اللي سوتها


1: تييبين قلاص او صحن للخطله بس يكون من النوع اللي تقدرين تحطينه بالميكرويف
2: حطت قفشه حليب سائل وقفشه جلاتين وحركتهم مع بعض لين امتزجوا
3: حطت الخلطه بالميكرويف 10 ثواني
4: بعدين تحطينها على الانف وتنطرين لين تنشف وتشلينها وبجذي راح تطلع بلاوي منه
5: وبعدين اعتقد حطت لزقه عشان تشيل الزايد وبعدين تحطين سيروم او كريم
الصراحه خلطاتها روعه وخيال والاحلى المكونات بسيطه وسهله والمكونات جدا طبيعيه



للامانه بنات انا ما جربت الطريقتين بس اعجبوني عشان شفت النتايج فوريه والاحلى الخلطتين سهلات و****لله بجربهم


اتمني يكون الموضوع خفيف عليكم ويكون عجبكم