لبياض ولافي الاحلام(أبطك زي القشطه)

[مساء الورد للجميع
اتمنى منكم تقرون موضوعي كامل واعذروني على سوء التعبير والترتيب موضعي طويل بس يستاهل تقرونه للأخير
بداية والله الشاهد على كل حرف اكتبه اناكنت حامل وولدت وعاد تعرفون السمار اللي يجي من الحمل
كنت متضايقه وكان السمار شوي موكثير قلت مع الوقت برجع زي اول المهم في يوم كنت معزومه على مسيار وكنت ابي انتف بس ماكان يمديني قلت استخدم مزيل الشعر فيت للبشره الحساسه وانامااحب المزيلات خير شر جابه لي زوجي اهومابقى شي يشوفه بالصيدليه الا ويجيبه المهم استخدمته للأباطي وكان معه
فرشه صغيره لإزالة الكريم بعد وضعه واخذ الفرشه واشيل الله لايوريكم ايش سوا فيني بغيت اموت من الحراره
غسلته بسرعه وكانت الكارثه الكبرىابطي كله جروح ودم بغيت اموت ذاك اليوم الحريم يسولفون وانا اتألم جا اليوم الثاني الا وابطي اسود اللي بعده فحمه والله منظر يخوف وطلعت من هذه الكارثه بإبط اسود من العبايه ساءت حالتي النفسيه لاوعادبالصيف وانا بالطويل رحت اخيرا المستشفى عنددكتوره يمدحونها كثير المهم شافتني واعطتني كريم وقالت احطه عالأبط بس قلت لها وعلى الوجه قالت لا قلت وعلى المناطق الحساسه برضوقالت لا سألتها ليش قالت المنطقه الحساسه معرضه للرطوبه وممكن ياثر عليها والوجه حساس قلنا خير اخذته واملي باني ارجع زي اول مستحيل استخدمته وكنت احس بواخزات والم لان المكان جرح وصفتلي معه اليكا حتى يخفف الالم لاحضت ان جلدي ينسلخ كانك تشيلين جلد دجاجه الطبقه العلويه راحت السمار بدا يخف والله خلال اسبوع تغير ابطي بشكل خيالي قلت هذا سحر موكريم صار ابطي ابيض من يديني بياض ولا في الاحلام حمدت ربي كثير ممكن كان تاثيره قوي لان أباطي كانت مسلخه ومنتهيه فكرت استخدمه لوجهي بس خفت ممكن يسلخ وجهي وهذي تجربتي اتمنى اني افدتكم

اسم الكريم
بيجمانورم سعره 60 ريال فقط
لون العصار ابيض واخضر على تركواز والكرتون نفس الشي
والله بابنات ماعرف انزل صور ولاكان نزلت صورته
اختي استخدمته وفاد معها اخذته من صيدلية النهدي
على فكره استخدمته على ركبي والسمار كان خفيف جدا جفف ركبي فخفت وبطلت فانتبهوا
[في النهايه ارجوكم اللي تستفيد منه تدعيلي وتدعي لولد اختي مريض بالقلب وتدعي لولدي بالصحه واللي ماتستفيد لاتدعي علي والله اني ابيلكم الخير ونيتي صادقه ماابي غير دعوه صادقه واللي تجربه تقول لنا على تجربتها حتى يستفيدوا الباقين والمعذره طولت عليكم