بنات انا استخدمت هذي الطريقه ولقيت ان بشرتي تتفتح اكثر واكثر و توحد لونها بالإضافه الي نعومتها وطراوتها وصفاءها
والطريقة كالآتي:
أولا: تنظفين وجهك بالتونيك باستخدام القطنة
ثانيا: تغسلين الوجة بماء فاتر وباستخدام صابون بودي شوب كما هو موضح بالصوره .. هذا الصابون بودر تستخدمينه مع اسفنجه للوجه تباع بنفس المحل
وهذي الأسفنجة اللي تستخدمينها مع الصابون
ثالثا: تستخدمين سنفرة إيفين تباع بالصيدليات .. طريقة استخدامها هي انج تحطينها والوجه مبلول وتبدأين بالتنظيف بشكل دائري باطراف الأصابع الي ان تنشف وانتي مستمره بالحركه الدائريه وبعد ما تنشف تتساقط اغسلي الوجه من بقايا السنفرة بماء فاتر قريب الي البروده وبعد ما ينظف اغسليه بماء بارد
رابعا: تجففين الوجه باستخدام الكلينكس وترشين على البشرة ماء ورد.. طبعا الماء ورد تفرغينه في علبة سبريه فارغه .. و تتركين ماء الورد على البشرة الي ان يجف
خامسا: ادهني الوجه بمرطب للنهار مع كريم حول العين من بودي شوب اسم الكريم (wise woman) وفي منه كريم لليل ( بالنسبه للمرطب تقدرين تستخدمين اي مرطب يناسب بشرتج بس الأفضل انها ما تكون من الكريمات الرخيصه)
والسنفره تستخدمينها بالإسبوع مره اذا كانت بشرتج عاديه و مرتين في الإسبوع اذا بشرتج دهنية ...واتمنى انكم تجربون الطريقة هذي وتستفيدون منها .. ودعواتكم لي
ملاحظه: انا استخدمت سنفره سعرها اقل و مفعولها روعه لكنها فجأة انقطعت من السوق اسمها (freeman) اللي تلقاها تقدر تستخدمها في هذي الطريقة
