لحقوا علي,,,,زوجي مايحبني؟؟؟؟؟؟؟

السلام عليكم ورحمه الله وبركاته

الموضوع هذا قريته في منتدى ثاني وبصراحه استغربت منه

معقوله في ناس عايشه كذا

شوفي الموضوع ونشوف ردودكم طبعا :(

-------------------------------------------------------
السلام عليكم ورحمه الله وبركاته

مشكلتي هو زوجي:arb: اللي المفروض انه يكون شريكي بالحياه لكن طلع هم علي بالدنيا وبلوه طاحت علي

المهم انا بختصر لكم السالفه لاني مستعجله انا حاليا ببيت اهلي زعلانه منه

للمره 11 او 12

بصراحه من كثرها ما عديتها

سمعوا واحكموا منو الغلطان

1)زوجي كتاب ممنوع علي فتحه وقرائته كل ما اساله وين رايح يقول مشغول

بتتعشى بالبيت يقول على حسب

ابي منه كلمه وحده ما اقدر اخذ منه لا حق ولا باطل

2)المصروف
كل راس شهر لازم اتصير مصيبه علشان المصروف هو معاشه زين الحمدلله بس بخيل معاي انا وعياله وكريم عالناس اتصدقون انه صابع بيت اخوه بالكامل بس كذا علشان يغيظني لاني قلت له ابي اغير عفش البيت اخوه ماشاء الله يستلم 7الاف شهريا ولا اقساط مثلنا ولا هم يحزنون احس انه يبي يقهرني ويبي يقولي هذي فلوسي اسوي فيها اللي ابي

3)السوق
لازم قبل السوق احدد المحلات اللي ابيها لان الاخ ماله خلق يفتر بالمجمع مشغول كالعاده بس انا احيانا اضطر اني افتر اكثر من اللي حددتها تدرون وش يسوي

يمسك عياله ويطلع من المجمع يجري وياويلي يا سواد ليلي اذا تاخرت وما لحقتهم

4)زيارات الاهل

انا عايشه بالشرقيه واهلي بالرياض

اذا قلت ابي ازور اهلي قال لا انتي تبين اتمشين بالاسواق اهناك منتي رايحه اتزورينهم

طيب هو ما يوديني فاضطر اروح مع امي والسايق او احد من اخواني وش اسوي اقعد انا وعيالي بملابسنل القديمه

5)اذا كان يبي مني شي(انتو فاهمين)يصير مافي احلا منه وهات يهالكلام الحلو وانتي ملاكي واحلا وحده بالدنيا
واذا خلص الود وده يطردني من الغرفه

احيانا احس انه متزوجني عناد باحد من اهلي او اي احد
المهم ما تزوجني بقناعه

طبعا كل شي عنده ممنوع

السوق ممنوع

التمشي يقول كلام فاضي ودجه بالشوارع

اروح مع السواق لو اهلي كلهم معاي ياويلي ممنوع

كل حياتي تدور حوله هو وبس

انا ومن بعدي الطوفان

انا كثير ازعل عند اهلي بعدين اقول لا يابنت الحلال

العيال مالهم الا ابوهم

بس احس اني قاعده اموت بالحيا كل شي محرومه منه بحجه ماله داعي والمره مالها الا بيتها ومن هالسوالف

وهو يفتر بهالشوارع 24 ساعه

افكر احيانا بالطلاق بس اخاف على عيالي

ادري دوشت راسكم بس سامحوني والله ان قلبي مهموم واتمنى احد يحل لي هالمشاكل اللي انا فيه
وسلامتكم



_____________________________________________________

اشرايكم

انا احس انها بصير فيها شي
والعيال بيتعقدون نفسيا وبيصورون انطوائيين او اي شي

المهم حياتهم هالمره غير طبيعيه

اتمنى انكم ما تبخلون بردودكم
وجزاكم الله خير