لذوات الخبرة أسئلتي ونظام النفاس

مررراحب يابنات حواء
أنا صارلي فترة أذاكر صفحات المنتدى عشان أطلع بنظام للنفاس أمزج فيه خبراتي السابقة مع الأشياء إلي أيدوها خواتي عضوات المنتدى وحبيت أسئلكم وإن شاء الله تفيدوني وإلي ماتعرف ترفع الموضوع رفع الله قدركم لتعم الفائدة
* الزنجبيل الأخضر أو العادي يستخدم العشرين الأولى ولا الأخيرة ولا الأربعين كامله؟في من الأخوات إلي شبهه بالحلبة (مفيد بس ينزل مويات لواستخدمناه في العشرين الأخيرة،،،،صحيح؟؟)
*الماش بما أنه مفيد ليش ما أخليه في سفوف العشرين الأخيره كمان؟
*قشر الرمان بما إنه ممتاز أبغى أضيفه لسفوف العشرين الأخيره وأحط منه شوي مع شاي الأعشاب غير الغسول طبعا وش رأيكم ؟؟؟؟
*الغسول ناويه أغسل بملح وموية 10 أيام تقريبا وباقي الأيام (ملح ،مره ،أرطا (دباغ)،قشر الرمان،أبغى أضيف القرض)و الأرطا هوعيدان وسمعت أنه معاه زي التراب طيب لمن استخدمه آخذ العيدان بس ولا المطحون هذا معا ولو أخذته على أساس إنه عيدان مطحونة كيف أغسله؟؟
*الغرى (الصمغ)إلي أعرفه النفاس لازم تشرب منقوعه في الصباح والليل لجبر الظهر بعد الولادةبس مالقيت في أنظمة النفاس إلي قريتها أي ذكر له وش رأيكم فيه آخذه ولاأطنشه؟؟
*الصك واللك إش هم وهل لهم اسم ثاني ؟
خواتي أتمنى تفيدوني أنا بآخر حملي وعلى وشك ولادة وأبغى أعتمد خلاص نظامي إلي كونته من نصايح الأخت قشر قهوة الله يردها لنا بالسلامة وتتحفني بردودها الحلوه على أسئلتي وكمان من نظام فيافي ومن تجارب مريت فيها قبل كذا عشان كذا حبيت أسوي هذا النظام وحبيت من إلي تعرف أي جواب لأسئلتي تفيدني الله يجزاكم الجنة الأمل في الله كبير ثم فيكم خواتي (دعواتكم لي بتسهيل الولادة أنا وكل مسلمة)