لعل وعسى تتم خطبتي بمساعدتكم لي😥

السلام عليكم, انا سجلت في هذا المنتدى عشان شفت تفاعلكم مع اغلب المواضيع المهم انا بقولكم ايش سالفتي واتمنى تساعدوني او تقدموا لي حلول لانو فعلاً اول مره بحياتي اتضايق قد كذا صدق انو ان شاء الله انها خيره بس ما اعرف فيه شي بداخلي مضايقني, انا يا طويلات العمر جو تقدموا لي 4 وابداً ما تفاعلت مع الموضوع بأسم اني صغيرة عمري 19 وبابا اصلاً رفض هذا الشي لانو من برى الجماعة وقد صار لنا موقف مع واحد خطب اختي من برى الجماعة عشان كذا, المهم زوجة خال بابا كلمت ماما انو تبغى تخطبني وقالت ردوا لنا في هذي اليومين ولما ماما قالت لبابا على حسب كلامها تقول انو بكى من الفرحة وكان مبدئياً موافق بس باقي يسأل وانا كنت رافضه انو اتزوج حسّيت برضوا انو لسى صغيرة مو حقت مسؤولية عموماً لما سأل جاه كلام انو الولد حق سفريات وبعد يوم الولد بنفسه قال لزوج اختي انو انا اسافر البحرين ولو ربي كتب خير وتزوجت ما ابغاها تمنعني من سفراتي مع اخوياي وبابا لما عرف رفض هذي الفكرة مره وأحس اني تضايقت لانو لما استخرت ارتحت للولد وأحس بنيت مستقبلي معاه بخيالي وأحس انو لو ما وافقت نصيبي خلاص راح من كثر ما انا مرتاحه له الحين جالسه افكر كيف اقنع بابا؟:(
والله مره شايله هم ومتضايقه مره احس مره ننفع لبعض وخصوصاً هو ما شاء الله محافظ على صلاته لدرجة انو يصحي ولد عمتي لكل صلاة و وظيفته مره حلوه وعمره 27 ومره الولد طيّب بس عنده هذا العيب!
اقترحوا علي الله يخليكم ايش الحل؟:(