لقد تعبت منه لكن قلبي لا يمل ماذا افعل؟

السلام عليكم ارجو ان تساعدوني او تدعو لي مشكلتي كالتالي:احببته من لما كان عمري 13 سنة هو جارنا افتضح امرنا فخطبني لان هو بيحبني كنا كالعصفورين مدة سنتين خلالها حصل مشاكل كثيرة هو واهله مختلفين جدا عن اهلي حاولت التأقلم معه وكنت مستعدة اتحمل كل شئ بس وصلت المشاكل لاهالينا وتطلقنا قبل الفرح باسبوعين :09: حاول كتير يرجع بس للاسف اهلي رفضو وانا غصبوني على تركه:( اهله زوجوه على طول تعذبت كثيرا بعد مدة كلمني واعترف لي ان مش قادر يعيش من غيري وعرفت انه مالمس زوجته وبعد فترة وبعد مااهله عرفو انه مالمسها اصرو عليه هو كان رافض عايز يطلقها وهي بنت بس خافو من الفضيحة واجبروه وطلعت حامل وطلقها وسافر وولدت وهو مسافر كان يكلمني وعايز يرجع لي بعد محاولات عديدة وبعد ماتركت دراستي واهملت نفسي اهلي وافقو بس بشرط اني اتحمل نتيجة اختياري وما ادخلهم بمشاكلي مع هذا الحبيب لان هم من الاول مش عايزينه خطبني وعلى طول تزوجنا :) وسافرنا الي بلد الغربة صرلي 3 سنوات متزوجته وعمري 22 انجبت منه بنت وولد اكيد يلي عم يقرا بيقول وين المشكلة المشكلة اني كشفته على حقيقته هو واهله تفكيرهم غريب تعذبت معهم كثيرا بيكرهو اهلي جدا وهو بيسمع كلام اهله واهله عندو بالدرجة الاولى مسرف ومبزر يحب المظاهر:30: لازم يبين للكل ان هو غني انا اخر اهتماماته كل شئ لاهله وللناس هو يحبني بس مش حاسة معاه بالامان ولا الراحة ولا السعادة ضيعت عمري معه وضيعت احلى ايام اقضيها مع اهلي بسببه غير عاقل تصرفاته طائشة بدو يصير غني مرة واحدة كل شغله بالايجار فاتح محلات ومكتب ومخزن وعنده موظفين وووو يعني محمل حاله فوق طاقته وعوده كاذبة بيعقد بيرسم لي حياة جميلة وكله كلام كتير بتمنى ينقلب كلامه الى تنفيذ اه اه عندي كتير كلام بس اكتر شئ بيقهراني رغم كل التعاسة يلي انا فيها ورغم اني متضايقة منه وحابة اخد قرار باني اتركه الا اني احبه احبه وبجنون مابقدر اتخيل عيش من غيره انا وهو الان شادين مع بعض بسبب كلامه على اهلي يوم الوقفة مع اني بعامل اهله كويس صار يشتم ويضرب وكالعادة يهددني بالطلاق بتمنى مرة مايهددني بالطلاق او يحسسني انه متمسك فيني وانا والله كرهت حياتي معه بس قلبي ماعم يقدر يكرهه دايما بيقولي يلا قومي ضبي اغراضك وبدي سفرك لعند اهلك واخد الاولاد منك والله لطلقك واخلص منك وووو وبعد مانتصالح بيرجع عادي وبيقول بيحبني يعني انا بعرف ان المرأة هي يلي بتهدده ببيت اهلها لا انا عندي العكس هو بيهددني وبيقوم بيتصل بأهله واهلي وبيعمل فضايح حابة اثقل عليه او طلعه من قلبي ومرة وحدة بس حابة شوفوه مذلول جنبي ويترجاني لان ياما ذلني وتعبني انا بغربة ومالي حدا ولما بيحصل مشكلة بيننا بيصير واحد ثاني اهانات وشتائم وضرب وتهديد وفضايح وبيرجع للماضي مابينسى شي واحيانا بخاف منه ليكون ناوي على شي لا تقولو ان فعلا اتركه وروح لعند اهلي كنوع من التهديد لا هذول الناس عندهم الطلاق بالوراثة ومابسألو عادي مو من النوع يلي بيتهددو زوجي الى الان ماشاف ابنه وصار عمره اربع سنوات ونصف بدي ادبه وبدي ياه يحس بقيمتي ويتمسك فيني يحترمني ويشيل فكرة الطلاق من راسه وبدي ياه هو يخاف من الطلاق :22: ويخاف من زعلي كيف او اني طلعه من قلبي وارتاح لاني عم اتعذب كتير والله اذا بطلت حبه لاتركه وعيش حياتي لاني عمري ضاع معه لا اتهنيت بدراسة ولا بأهلي اتهنيت معهم ولا بحياتي معه بدي ابدأ من جديد عيش بأستقرار وامان وراحة وسعادة امانة ساعدوني او ادعو لي بأن الله يصلح لي الحال يارب ومشكورين بس امانة مو تطنشوني منتظرتكم:26: