لكل الامهات اللي يرضعو صناعي او ناويين يرضعو صناعي بخصوص نوع الحليب مهمممممممم

حبيباتي
مالي قصد من ورا الموضوع الا اني افيدكم ووالله كل كلمة صادقة فيها

انا أم زيي زيكم.. بكرية وبنتي عمرها الله يحفظها 8 شهور ونص..وطبيبة بدأت عملي من فترة بسيطة لاكمل تخصصي في طب الاطفال
اول ماولدت بنتي ماقدرت ارضع طول الوقت لاني قيصري (وهذا بداية الفشل) وبدأت شوية حليب صناعي لحد ماعتمدت عليه بعد فترة..
بدأت بحليب ابتاميل.. وكان عاجبني وبنتي متقبلته بس اللي صار ان بنتي جاتها حساسية من حليب البقر سببتلها اكزيما قبل ماتكمل اربعين يوم واضطريت اخليها على حليب الصويا بناء على نصيحة الاستشاري ومشي الحال..وقلت قضاء وقدر نصيبها تتحسس من الحليب وماجا في بالي اي سبب
واشوف الامهات كل وحدة تمدح في حليب معين وينصحو بعض هذا يسمن وهذا مايجيب مغص والخ الخ..
المهم في خلال عملي (اللي بدأته بعد ولادتي) اصادف كثير امهات يسألو عن أحسن حليب (انا في مستشفى الحرس الوطني) يعني كل شي مدروس وعلى بينة ومافي مجال الدكاترة يسوو دعاية لشركة معينة وطبعا كلهم استشاريين..
الاستشارية اللي انا اشتغل معاها (طب اطفال عام) سالتها وحدة من الامهات ابغى ابدا صناعي ايش اعطي ولدي؟ طبعا اعطتها محاضرة عن اهمية الرضاعة الطبيعية وفائدتها للام والطفل بس طبعا كله يرجع لرغبة الام.. وانها اذا فضلت الصناعي مافي مانع.. قالتلها اختاري بين اس 26 وسيميلاك ونان وبسسسسسسس
وانا طبعا اتلقفت قلتلها وابتاميل؟ وهنا الصاعقة :o:o:o
قالتلي زباااااااااااااااااااااااااااااااااااالة وانتو بكرامة
واي نوع من الانواع الجديدة الموجودةفي الاسواق (غير ال3 المذكورة) برضو زبالة ومايصلحو ينعطو لطفل بالرغم من الدعايات اللي مصاحبة لهم ولو مو متأكدة روحي اسالي فلان وفلان (استشاريين اطفال في تخصص حديثي الولادة في نفس المستشفى) وهم يعطوك نفس الجواب..
وفعلا في الحضانة والعناية المركزة مايعطو اللي هذي الانواع..
وندمت اشد الندم عاللي سويته في بنتي
وقلت اقولكم عشان تنتبهو لاني بصراحة حسيت انها امانة لازم ابلغها لكم عشان اطفالكم امانة في رقابكم