لكل متزوجه تبغى السعاده

السلام عليكم :اولا انا اول مره اكتب في هالقسم ،ولكن اتابعه من فتره لفتره واقرأ واستفيد ومرات اتضايق لكن تبقى الحياه تجارب حبيت اشارككم بأشياء صغيره  قد نغفل عنها لكن آثارها كبيره على حياتنا وأخص بها حياتنا الزوجيه ..... للأسف من متابعتي لبعض الردود والحلول اللي يطرحونها بعض البنات حسيت ان الحياه الزوجيه معركه ويا قاتل يامقتوللاتنسون في اللي مقبله على الزواج وتحتاج اللي ينورها بالخبره وفي عرايس جدد وفي بنات لسى الحياه قدامهم يقرون ويتأثرون وتصير عندهم نظره كلها سلبيه عن الحياه الزوجيه ويدخلون عليها مشحونين قد تؤثر على حياتهم ليش كذا ؟؟ الحياه الزوجيه عباره عن شراكه بين طرفين يجمعهم المصير المشترك " لازم نفهم هالشيء " مو مين  اللي اقوى ومين  اللي مسيطر ومين اللي يفرض رأيه على الثاني الحياه ابسط واسهل من كذا بكثيير  بس نتعلم كيف نتعامل معها واكيد كل وحده منكم  عندها اسرار تقولها وتفيد بها غيرها وتحتسب الاجر  وهذي بعض الأسرار الصغيره >>> _اللجوء لله والدعاء بالتوفيق والسداد والعون في كل الأمور دائما اشكري الله على النعمه واطلبيه البركه والزياده وان يعينك على شكره ربنا هب لنا من ازواجنا وذرياتنا قرة أعين واجعلنا للمتقين إماما  _انتي وزوجك لازم يكون بينكم زي ماتقولي اتفاقيه او اتفاقيات😄 يعني مبادئ تمشون عليها نجي للإتفاقيات : الحياه مهما كانت سعيده لابد من المنغصات والنواقص عشان كذا نتعلم كيف نواجهها مهما كانت احيانا" اختلاف رأي  ومرات اشكاليات بسيطه تقع في كل بيت ومرات مشاكل كبيره الله يبعد عنا وعنكم كل مكروه ?فن ادارة الازمات مهما كانت الازمه ماديه ،اجتماعيه ،صحيه اي شيء المهم نعرف نتعامل معها ولازم انتي وزوجك تكونو متفقين على افضل طريقه ممكن تحلوا فيها المشاكل ويكون هالاتفاق من بدري يعني في سوالفكم كل واحد يعرف الثاني كيف يحب يعالج مشاكله مصارحه ،،حوار ومناقشه ،،الانسحاب من المشكله والتفكير بهدوء ثم النقاش ..الخ .?حياتكم خااصه بكم انتوا وبس مالأحد دخل لا امه ولا امي وولا اخته ولا غيرهممهما كانت مشاكلك مع اهله لاتربطين هالشيء بعلاقتك بزوجك والعكس صحيح ترى محد بينفعك هم عايشين حياتهم وانتي المسكينه بتخرب حياتك بسبتهم واكرر لازم يكون اتفاق ثنائي بينكم والكل يمشي عليه .?اسرار البيت خلوها داخل ابدا ماتطلع لا انتي ولا هو عيشوا حياتكم ومو لازم الناس تدري وش سويتوا وين رحتوا وش عندكم وش ماعندكم ولاتسمحوا لأحد يقتحم خصوصياتكم حتى اقرب الناس واذا لاسمح الله احتجتوا مشوره او  شيء روحوا لناس ثقه .?التفاهم ثم التفاهم ثم التفاهم في كللل شيء تعودوا تتناقشون اذا احد منكم مو مقتنع في شيء ما . ?تعلموا تعبرون عن مشااعركم اقصد اي مشاعر حب ،شوق،متضايقه او متضايق اي فضفضه وتعلموا تكون صدوركم واسعه تتقبلون من الطرف الثاني اي شيء ولاتكتمون لان الكبت يولد الانفجااار بإختصار كونوا اصدقاء  . ?الزوجه اللي تعرف وش عليها من واجبات وتعرف حقوقها صح رح تعيش سعيده بإذن الله  ولو زوجها مايعرف تحاول تنوره وتخليه  يفصل بين العاده والدين ،وإذا هو من النوع اللي يحاول يستغفلها تورييه انها عارفه وفاهمه وماينضحك عليها .  .....................................................الحياه الزوجيه شراكه وميثاق غليظ وبالنهايه نفس المصير لاننا في نفس المركب اسندك وتسندني نعيش الحياه سوا بحلوها ومرها  تساعدني احقق احلامي واعينك لتحقيق احلامك ونبني لنا حلم يجمعنا ........شاركونا  خبراتكم اسأل الله ان يرزقني واياكم السعاده في الدارين