لكل مطلقه

صباح الخير جميعا
طبعا اتوقع كثير قرت مشكلتي مع زوجي ومعاناتي معاه والحمدلله انا تطلقت وربي يعوضني وكل مسلمه خير
مشكلتي بالبدايه عادي تقبلت الطلاق وفرحت لانه علقني وتعبت نفسيا بعدها ربي فرج لي بالطلاق
بعد فتره من طلاقي مو قادره أواجه الناس لمن يسألوا عنه وبنفس الوقت ماابي افضحه لانه كان يشرب الله يستر عليه صحيح انه مايستاهل الستر بس انا ابيها لوجه الله
حاليا امر باكتئاب خاصه ان اهلي ناس شديده انا إنسانه احب اتمشى اسافر وهم هالشي ممنوع نهائيا عندهم
صحيح اطلع هنا لكن سفر لا ممنوع
بسال المطلقات كيف واجهتو الناس ايش قلتو لهم هل فضحتو طليقكم او سترتو عليه
حاسه اني كنت بحلم وفقت منه للحين مو مستوعبه ماادري ليه
تجيني وساويس انها عين وكذا ولما اقول لاخواتي يقولو لا هو فيه بلا مو عين ولا حاجه
صرت اكره الناس احس انهم كانو حاسديني وهذي عيونهم
حاليا كارهه الرجال والزواج ولا افكر مع اني مو صغيره
حسبي الله عليه ونعم الوكيل
اخر سوال الي طلقها زوجها ظلم هل عاش حياته او شافت بعينها دعوتها عليه
انا واثقه ان ربي بياخذ حقي منه ويشوف فيه يوم
هذي مجرد فضفضه وابي مشاركاتكم
والي ماعندها كلام حلو رجاء لاترد لاني مو ناقصه