مساء الخيرات والليرات على صبايا حواء :26:
للي أنطعنت في يوم من الأيام , أنجرحت من الغريب قبل القريب :44:
بعد ما تطلبين الله أن ياخذ حقتس راح تاخذنه يعني تاخذينه
أقولكن موقف حصل لي في المدرسة اللي أنا فيها أهلي
تعرفون الأهلي اللي يحظى بالقرب من ملاك المدرسة هذي محظوظه اللي تبي تكون مداس ( تكرمون ) لرجول ملاك المدرسه هذي تقدر تنفش ريشها عليتس و أتحداتس تفتحين فمتس إلا إذا أنتي تبين تضحين بالوظيفه :icon33:
الحمدلله مغنين الله مانيب بحاجه المدرسه بس أبي أقضي وقتي بالمدرسه و يكفي قومة الصبح يونس :icon28:
كان فيه ثنتين فيهن ذل و خنوع حسيبهن الله :icon33:
كانن يدخلن علي ويسون حركات ما أقدر أقوله لأي أحد حتى أختي ماقدرت أقول لها لأنها تجرح تجرح :icon33:
كنت أتحاشى النظر فيهن ولا حتى أرد لهن أي إعتبار وهذا اللي قهرهن يعني ما طقيت لهن خبر هن والجدار واحد
يسوون الحركات يعني إليكي أعني وأسمعي ياجاره ومابه بالغرفه إلا أنا !!
مره مرتين ثلاث رجعت البيت الظهر دمعتي على خدي فرشت سجادتي دعيت ربي أن تريني فيهن عجائب قدرتك
أقل من أسبوع وحده فنشوها المدرسه و وحده بالطريق بحول الله
هذا نصر من الله :44:
تذكرت هذا الموقف والعبره خانقتني من نصر الله لأني كافه خيري وشري عن الناس أبي اعيش بسلام قبل ما أموت دايماً أدعي ( اللهم أكفنيهم بماشئت ) وأقول ( حسبي الله لاإله إلا هو عليه توكلت وهو رب العرش العظيم )
تكفون أدعوا لي أن الله يرزقني بالحكوميه لأسعد حبيبتي وأرد جميلها علي :(
راعية الهلي @raaay_alhly
عضوة نشيطة
يلزم عليك تسجيل الدخول أولًا لكتابة تعليق.
miss dala33
•
الله ينصر كل ظالم
الله ينصر كل ظالمالله ينصر كل ظالم
اقصد الله ينصر كل مظلوم سامحوني بنات اخطات:(
الصفحة الأخيرة