بنات أنا من مدّة وأنا شارية الأغراض وودي أسويها هالخلطة بس من أسبوعين عزمت وقرّرت وسويتها وكل يوم أحط منها على جسمي كله مدّة ساعتين وربي رهييييييييبة بياض وصفاء وتوحد اللون على فكره الوجه ساعة وحدة بس جرّبوها وبتشوفو البشرة شلون تتغير 180 درجة وكلها مواد طبيعية وآمنة
يالا أخليكم مع مستلزمات الخلطة:
صابونة غار
تكون مبشورة ناعمة جدا بالشكل هذا
تنقعينها بكاس ماي ورد طول الليل عشان تذوب
علبة جلسرين السائل الشفاف من الصيدلية أو حتى العطار
علبتين جليسوليد الاحمر كبار
فنجان قهوة زيت زيتون
فنجان قهوة زيت لوز
فنجان قهوة زيت خروع
ملعقتين كبار كركم
علبة فكس صغيرة
وهذي الطريقة مثل ما قالت الأخت شالسالفة
تخلطين كل المقادير خلط جيد او بالخلاط لين تمتزج مع بعضها وحطيها بعلبة وهذا شكل ولون الخلطة النهائي
استخدميها يوميا لمدة ساعتين للجسم والوجه ساعة وحدة وانا حتى استخدمها للمنطقه الحساسة والابط وشفت بياض موطبيعي ونعومة وكل الاثار اللي بجسمي اختفت انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز واسوي سنفرة الملح الخشن مع عصير الليمون يعني اخلط كمية ملح خشن مع عصير ليمون واتفرك فيه
أنا هذا اللي سويته بالضبط ولقيت نتيجة رووووووووووعة بياض ونعومة ممتازة خصوصا للعرايس واللي عندهم مناسبات
ولاتنسوني بالدعاء الصالح
مابي منكم الا الدعاء
ودمتم سالمين