للبنااات الذوويقـــات .. بجــــــــدد غرفتي تعالوا نظمووها معاي

الله يعينتس
والله التاثيث متعب ويصك الراس

مشكلتي ماعرف لين اشوف المكان

بس بغيت اقولك الجدار ليش ماتخليه مثلآ الجدار خلف السرير لون غير وباقي الغرفه

انا عملت غرفتي ببيت اهلي كذا شفت بكوفي طريقه عجبتني وعملت نفسها
حطيت لون الجدار اخضر عشبي بس لونه خطير وهو ورق جدران
ووحده من الجهات عملتها اخضر وفيها نقش خيال بالاخضر الفاتح والاصفر والبيج ما اقولك شلون طلع ماينوصف من كثير ماهو حلو ومناسب مع الاثاث

والاكسسوارات بدعت فيها والأضاءه مشكلتي ماعرف انزل صور كان حطيتها لك

الالوان مثل ماقلتي استخدمي الوان حلوه بس ومو متكرره يعني مثلآ الاصفر حلو بس كثير طاحوا فيه الناس فهمتي وش اقصد يعني مدامك بتغيرين استخدمين شيء جديد وغريب

مشكورين على المرور

لوليتا طيب شنو تقترحين علي ألوان حلوه وغريبه

والاهم ألقى اكسسوارات لها

لاني ادخل لايف ستايل أنهبببببببببل على حركاتهم بس ماقدر اشتري لان ما تناسب لون غرفتي

وبالنسبه للجدار اللي ورا السرير

ماقدر اخليه هو الملون لانه صغير وفيه مكيف ماخذ مساحه وجنبه على طول نافذه يعني الجدار رايح

فـ بخليه على الجدار اللي يكون يسار السرير أحلى

حبيبتي بالنسبه للاكسسوارات لاتيأسين مو مشكله كل المحلات تلاقين اكسسوارات تناسب اي صبغه واثاث
والجدار مو شرط خلف السرير بس انا عملته كذا
الالوان انتي اختاري اللي يعجبك ممكن الكموني او الاصفر معه كم لون او العشبي يعني كذا بدعي مري على محلات الديكور لو تقدرين وبتشوفين الحركات
بحاول ارسلك صوره من عندي تشوفين كيف اللي قلت لك

اول ما شفت المخطط

قلت لو السرير مكان الدولاب بيسوي وسع

وبيكون احلى لأن اول ما تدخلين الغرفه يكون هو في الواجهه

بعدين قريت انه الدولاب ثابت في الجدار :(

عنوني ... ما تقدرين تلغين الدولاب ؟

يعني تشيلين الابواب وتضبطين الارفف

تشيلين الارفف الحاليه وتحطين مكانها ارفف جديده وتسوينها مكتبه للكتب

وتحطين السرير قدام المكتبه هذي

يا تسوين المكتبه على كل مساحة الدولاب وتخلين مسافه بينها وبين السرير علشان تقدرين تتحركين بحريه لا حبيتي تاخذين شيئ

يا انج تسوينها على نص المساحه من فوق الى حد السرير تقريبا

وتكون هي المكتبه

تحطين فيها الكتب بحيث ترتبين بعضها افقي وبعضها رأسي

وبينهم مساحات فاضيه

تحطين فيها صور .. شموع .. مزهريات .. انتيكات

وممكن تسوين على المكتبه ستاره شيفون .. تعطي شكل للجوانب حلو

بكذا بيصير عندج مساحه اكبر .. وديكور جديد

الدولاب تحطينه مكان السرير اللي في المخطط

والكنبه مثل ما قلتي تحت النافذه

والجدار المقابل فيه التلفزيون والتسريحه

وطاولة الدراسه تكون حلوه ونعومه ممكن تحطينها جنب السرير

مع اني افضل ان السرير ما يكون جنبه غير طاولاته الصغار

اذا فيه مساحه تحطين الطاوله جنب النافذه يكون افضل واذا ما فيه خلاص حطي الطاوله على جدار السرير

والطرف الثاني تحطين فيه ستاند حلو نعوم