للتخلص من الفيران في البيت

ما ادري وش حب الفيران في بيتي
حتى ما تدخل بيتي الافيران ذكيه ما نفع معها ولا حيله وكانها تقول اذا ما هو عاجبك اطلعي انتي (عاد بيني وبينكم لو بيدي اطلع كان طلعت )
في الاخير استقعدت لهالفيران يا انا يا هي
جبت كرتون وحطيت عليه صمغ وحطيته بالسيب وانا قاعده بالتلفزيون واذ ا بذا الفار مااااااااااااااااغط قلت جاك الموت ياتراك الصلاة ويوم يوصل للكرتون ويسفط بسرعه يمين ويبتل امام (حاشا ما هو فار
قلت اجيب له سم حطيته بكل مكان واعد حباته واول ما اقوم من النوم وقبل ما اغسل اروح عند السم واقعد اعد حباتها مرة ثانيه قلت اهب عليك يافيران ما نقص شيء يا انا يا انتي
اخذ الطماطم واسويها محشي بالسم
واتركها في طريق الفار
جا اليوم الثاني وكالعاده اول ما اصحى اروح لمحل الطماط وذي المرة ما حصلتها
قلت الله فكنا
وشوي والا خربشتها من ورا الثلاجه
اجل وش السالفه ليش ما ماتت وبالصدفه قمت انضف الادراج واسحبها لبرى اطالع اتاريه تاخذ الطماط وتفرغها من السم وتاكلها
يالله شغله ذي الفيران
واخيرا واسهل طريقه وبدون مقدمات قلت اجيب قطو
والله العظيم انه في نفس الليله اللي جبت القطو خذت قشها الفيران راحت بدون عناء ولا حتى سلام
جيبي لك قطو من فيفا والا تعرفوا لكم على فلسطيني يبيع قطاوة واشتروها منه