فاي** @fay_2

عضوة

للخبيرات في الاقمشة الرجاء الدخول

السلاام عليكم حبيباتي
ابغى استشيركم في موضوع وانا عارفة انو كثيرات منكم ما شاء الله خبيرات
لي صديقة ما شاء الله فنانة و ذويقة في الازياء وتحب الابداع و الابتكار فيها يعني زي ماتقولو كذا متميزة
عندها بنت بعمر خمس سنوات هي بكرها و فرحتها الاولى متعودة في كل عيد انها تصمم لها فستان وتخيطه
ودائما ما شاء الله يحوز على اعجاب كل من يشوفها لدرجة انهم بياخذو فكرة الفستان و يفصلوه لبنوتاتهم في مناسبتهم الخاصة
المهم في الموضوع انها العيد هذا تبغى تفصل لبنتها فستان وهي اشترت من محل ابو ريالين قبعات صغيرة تقريبا بحجم فنجان القهوة زي اللي يحطوها في البكلات او الكلبسات ( الشبصات ) و بترتبها بطريقة معينة على الفستان
هي الان محتارة في نوع القماش ماهي عارفة ايش القماش اللي ممكن يناسب هذا الموديل علما بان تصميم الفستان عادي عاري الاكمام بحيث يكون منفوش و يكون معاه جاكيت هي استشارتني وانا احترت مثلها و قلت مالي الا بنات حواء الذويقات ان شاء الله يفيدونا
يعني ابغى منكم ايش نوع القماش اللي ممكن يناسب الفستان زي ما قلت الموديل منفوش و كمان اذا عندكم فكرة ثانية لطريقة تركيب القبعات الصغيرة على الفستان هي فكرتها انه ترتبها مع بعض بحيث تكون قبعة كبيرة في و سط الفستان ان شاء تكونو فهمتوا استفساري

652

يلزم عليك تسجيل الدخول أولًا لكتابة تعليق.

تسجيل دخول

فاي** • 16 سنة

السيدة قشطة • 16 سنة

احس حرير على استرتش بيطلع حلو اللون يكون فوشي او اوف وايت ممكن

اوف-وايت • 16 سنة

اتوقع تفتى مطفي اوف وايت مايل للجيشي و الحزام درجه غامقة وعليه القبعا

نجوووووحة • 16 سنة

قماش تفتى أحلى شي على الصغار لانه منفوش
أما الفكره أممممممم
بفكر وأرجع للموضوع إن شاء الله

فاي** • 16 سنة

السيدة قشطة
اوف - وايت
نجوووحة
شكرا حبيباتي على ردودكن
انا قلتلها على التفتى تقول ما يعجبها
عالعموم انا راح انقل لها ارائكن وان شاء الله تعجبها
وانا انتظر باقي العضوات ومشاركاتهم
ارجوكم /SIZ لا تكسفوني قدام صاحبتي من يوم ما استشارتني قلتها مالك الا بنات حواء اسألهم و ارد لك هي دحين منتظرة ردي
انا في انتظاركم وانتظار افكاركم المبدعة من حيث القماش و اللون والتصميم
]]