للعظه والعبره طفله صادفتها اليوم

السلام عليكم كيف الحوائيات مع هالبرد والمدارس الله يعين و:arb:ولاسالين يانوم ولاسهران وحنا :icon33: من التعب
مالكم بالطويله ادري البرد مسوي سواياه فيكم
هذا ياطويلات العمر رحت المركز موعد تطعيم لولدي وانا جالسه بالانتظار الا وتدخل بنت عمرها سنتين او اقل
مع امها الله لايوريكم هالمنظر بعزيز:(
تخيلو البنت محرووق شعرها والحرق من فوق كانه لابسه طاقيه صغيره وسايل مع الجوانب ومن الخلف يعني راسها صاير كانه طرقات الله يشفيها ولا يبلانا ومكانه صاير وردي ومافيه مسام وخدها اليمين وجبينها ويدينها والله ان خنقتني العبره قلت بكره ياكبرت كيف كيف الله يكون بعونها لا والي زادني غيض امها اسالها اشفيها تقول زيت انكب عليها من الفرن من لقافتها اي لقافه البنت شكلها توها ماشيه حنا امهات ونعرف اذا كان توه ماشي ما يكون معتمد بمشيته يترنح يمين وشمال وهي كذا
قلت طيب شكل الحرق له شهور ليه ماتسوون لها تجميل قالت ايه برمضان ويجملها ربها قلت ونعم بالله وسكت مدري ايش اقول ومنظر البنت يقطع القلب هي الحين مومدركه وتلاعب ولدي وتضحك ولدي ساكت ويناظرها يحرام متدري سبب سكوته ونظراته لها ليش اني اكتب وانا خانقتني العبره
وموضوعي هذا كله عشان تتنتبهون لعيالكم شوفو ع صغرها ماسلمت تكفون ادعو لها ولاولاد المسلمين ان الله يحفظهم من كل شر ويحفظ اطفالي يارب