$ للـدلـوووووووووووووووعــات $

السلام عليكم ورحمة الله وبركاته ..
كيفكم يا أميرات هذا القسم الرائع:icon35:

في خاطري أفضفض وفي نفس الوقت أفيد غيري ببعض الأخطاء الشائعة اللي ترتكبها كثييييير من البنات والنساء اللي يدعون الدلع والأنوثة المصطنعة:unsure:



خلونا الحين نشوف وش اللي يقلل من أنوثتنا ومن طلتنا الحلوه:

-إذا أتشريتي جاكيت مثلاً وكان سعره غالي أو من مكان راقي و كان عاجبك وفرحانه فيه ولبستيه وانتي واثقه من اللى حولك أنهم عاجبهم الجاكيت ماله داعي تتكلمين لين ما يبدون رايهم وإذا أبدوا رايهم أكتفي بكلمة شكراً و لا تزيدين بأنك شريتيه من المكان الفلاني او أنه غالي وبالسعر الفلاني.>>> يمكن قريتوها كثييير بس أنا راح اقولها على أنكم اول مره تقرونها و لأني أبي افضفض


-ما أعتقد أنك يوم تعرفين معنى كلمة مو زينه وتقولينها حلوه عليك مثل كلمة باي كلنا نعرف معناها واللي تقولها على أساس انها حلوه على لسانها ترى تفشل مره وخاصه إذا كانت ما تقولها من قبل >>يعني مو متعوده عليها .. بس تقولها على أساس انها حلوه على لسانها .. انزين إذا تشوفينها حلوه على لسانك ترى الحلاه مو على شكل الكلمه الحلوه على لسانك.. الحلاه على الكلام اللى تحسين فيه وله معنى في دينا أو في عاداتنا وتقاليدنا.


-يوم تجيبين خدامه ((طبعاً هذي حق المتزوجات)) بعد الكرف والتعب حرام أنك ما تحسين فيها وتقطين كل الشغل عليها مثل الاولاد والغسيل والطبخ و الخم.. على ما أعتقد اولادك مو حق الخدامه وإذا تحسين نفسك عاجزه عنهم جيبي مربيه خاصه لهم وتخلي عن القياده.. وخاصه إذا كانت الام خايفه على بيتها تجيب خدامه عجوز وتذبحها من الشغل وهي قاعده تتفرج وتبين أنها أنثى ودلوعه بعد يعني بس تامر مثل الأميرات اللى ما تعرف عنهم شي ترى من معالم الأنوثه الرحمة إذا ما كنتي تعرفين.


((إذا كنتي في زيارة لأحد من الأهل أو الأصدقاء))

1)وجلستوا على سفرة الطعام "تذكري انك في بيت ناس مو في بيتك يعني لا تخلين ولدك أو بنتك الصغيره تخربط وتكب الأكل وتكتكت العصير >>إذا هذا كله يصير في بيتك مع انه لوعه بس مو مشكله الله ساتر عليك :S_45: :: يعني في بيت الناس خليك غير وخليك ايتيكيت مو مشكله في هذي تصنعي علشان مشاعر أهل البيت وبيتهم

2)وإذا حصل مثلا سكب العصير من احد من أبناءك لا تسوين نفسك غبيه ((اونك ناعمه )) ما تقدرين تعصبين على ولدك وتحسبين من الأنوثه أنك تخلينه يكتكت لين ما تجي الخدامه أو أحد من اهل البيت وتشيله>> أنا ما أقولك قومي ضربيه أو صرخي صرخه تدوخ اللى بسمعها لا طبعا ((مثل ما قلنا نحن بنات وأنوثات من يوم طلعنا على الدنيا بفطرة ربنا يعني تقدرين تكلمينه بصوت منخفض وحاد ونظرة تنم عن غضبك لهذا الفعل الخاطئ و أنتي قايمه تعدلين اللى خربه مو وأنتي قاعده في مكانك لأنك اميرة واللي قدامك خدم يخدمونك ويخدمون عيالك ..

3)إذا طبعاً جلستي على الطعام لا تنسين عمرك وتخذين السفره أو الطاوله كلها لك ولعيالك وناسيه إن وراك ناس اكبر منك ومن اعيالك يعني خلي الكبار يقعدون اول وبعدين قعدي عيالك وإذا ما فيه مكان لعيالك أكيد أهل البيت راح يضعون سفره ثانيه للأطفال ومن ضمنهم أبناءك الكرام >> يعني راح ياكلون ما راح يموتون من الجوع...وإذا ما وضعوا سفره للأطفال اكيد راح يكون بعد ما تقومون منها.


- الدلوعه ما تقول عن نفسها دلوعه حتى لو في خاطرها تقولها وإذا قالتها ترى بكون شكلها مضحك أمام الناس وفشله في حقها لأن اللى قدامك تعرف أنك دلوعه أولا من حركاتك الحلوه مو المايعه اللى تلوع .. وبعدين ترى الناس ما ترحم يمكن توقلينها على نياتك بس اللى بيسمعها بيفهمك غلط >> أنتوا تعرفون.


- أمس كنت مع أخوي في محل وكان في رجال مع زوجته بصراحه ما عرف اشلون اعبر عن اللى شفته من قوة الصدمه المهم راح أقولكم دخلت المحل وشفت الرجال مع زوجته اللى تبي تنقي لها عباية وشيله وتكلم العامل عادي الموقف كان في البدايه لكن اشوي واشوف الرجال واقف على زاويه وهي صدرها في صدر العامل ((أسمحولي على هذا الكلام لكن هي الحقيقه)) الزوجه كانت طويله والعامل طوله زين يعني كان في تنافس في الطول>>خخخ المهم تتفاهم معاه وهي قريبه منه حيل بصراحه هنا تخرعت بس سكت لحد الحين ما كمل الفلم راحوا عند المحاسب وهي اللى وقفت جهة العامل والرجال في الجهة الثانيه اللى محد بكون جنبه المهم الرجال كان طول الوقت يحاول يشوفني لحد الحين ما لمح من معاه في المحل غير أخوي لأني كنت أنخش وراه علشان كلنا كنا واقفين نبي نحاسب ومخليه أخوي قدامي وانا وراه وهو يلف يمين ويسار يبي يلمحني المهم تدارك الأخ موقفه وحس أن شكله عرضه للكلام تحرك وراح بين زوجته والعامل >>وأخيراً ..لأن شاف معاه في المحل رجل (أخوي) يعرف يتفاهم مع الرجال اللى مثله مو أنا اللى اتكلم.


-وبعدها نحن خلصنا مع بعض وكنا نحن تونا بنسبقه إلا أخوي قدمه علينا ومر وفتح لنا الباب بحترام واشكره اخوي وراح هو المحل اللى على اليسار ونحن رحنا المحل اللى على اليمين المهم خلصنا المحل وركبنا السياره إلا وأشوف الزوجه طلعه من المحل قبل الزوج <<تسابقه شكلها>>خخخ وبعد مده يعني اختفت هي عن عيني إلا وهو توه طلع من المحل يبي يلحق على زوجته اللى راحت محل ثاني المهم كسر خاطري شكل الزوج اللى مغلوب على أمره وناظرني نظره فيها حياء يمكن على اللى قاعده اشوفه والله مادري .


-المهم نحن ناخذ من ذي الموقف أنه البنت أو الزوجه لازم تحسس زوجها بمعني انوثتها خارج البيت أيضاَ يعني هو اللى يتعامل مع الرجال وإلا وش فايدته جاي معاك.. نعم يمكن تحتاجين تتكلمي مع الرجال بحضرة زوجك إذا كان يتطلب الموضوع مثل انك تبين تفهمينه اللى تبينه وزوجك ما يعرف لأنها شغلات حريم.. وبعد في شي ثاني هو انك ما تسبقين زوجك بالخروج من المحل إلى محل ثاني إلا إذا كانت المحل مزدحم مثلا وتبين تروحين السياره هذي عادي أنك بتروحين السيارة مو محل ثاني في عامل رجل


-وبعدي لازم تحسسين زوجك برجولته واهمية وجوده في الطلعه معاك يعني ما تتكلمين مع إي رجال إلا اذا هو قال لك.
((اللى أستفدناه هو انك تدخلين المحل بعد زوجك يعني هو اللى يتقدمك ويستقبله راعي المحل وزوجك هو اللى يسلم ..وإذا بتطلعون من المحل انتي اللى تطلعين قبله وهو اللى وراء >> كأنه يحميك>>هههه>>حسسيه بأنوثتك ))


-اللي تسوي نفسها كلش ما فوقها فوق وتدخل المجلس وتسلم على الناس بطرف أصابعها تحسب شكلها بكون حلو ما تدري ان التكبر يدل على النقص.. ترى عيب تسلمين بنفسيه مو حلوه يكون شكلك مقرف مره ولا يدل على أنوثه ولا على غيره.


-اللى تسوي نفسها انظف البشر واللى حولها قذاره في قذاره وخاصة مع الأطفال يعني لو قرب جنبها طفل على وجهه شوكلت أو غيره تصرخ وعععع>> عيييييييييييييب والله عييييب يعني ندري انه شكله منفر بس موكذا وخاصه إذا امه موجوده يعني مو عيب تحرجين امه قدام العرب أو حتى تجرحين الطفل اللى ماراح ينسى هالشي.. طبعاً الأسلوب الامثل أنك تاخذين منديل وتقولين له برقه ونعومه تعال حبيبي نظف وجهك وتعطينه المنديل اما إن كان صغير ولايعه جبدك منه ولا يقدر ينظف حق نفسه تقدرين تنظفين له بالمنديل ولا راح تتوسخين يعني ما في داعي للخوف او حتى تقومين بهدوء وتودينه للخدامه وتنظف وجه هي علشان ما ترجعين من الوعه>>خخخ..



وأخيراً لكم مني كل الأحترام والتقدير والحب ...