للمهتمات بالعقار

بنااات ..

ترااي زعلانه وفيني غلقه .. :16:


السلام عليكم ويسعد اوقاتكم


تعالن نحكي ويا بعض حكي عقلاني بعيد عن العواطف


بنات من فيكم ودها ببيت يسترها هي وعيالها وزوجها .. ويريحكم من الايجار وهمه

طيب بالتالي مقابل ارتفاع الاسعار الغير مبرر له وصل الـ 300 م بـ مليون احد يصدق

مكاتب العقار لاعليها حيسب ولا رقيب .. والفايده قد تصل الى 500 الف باي حق هذا ..؟

كلنا نعرف انها تجاره لكن مو نزف اموال
غدى العفقر مثل غسيل الاموال الا صارت سوق سوده تسعيرات خياليه والواقع شي خر




بما ان الاوامر الملكيه امرت ببناء اسكان ..
بالمقابل المفروض الاسعار تقل
لكن الملاحظ ان الاسعار بدت تزيييييييد .. وكانهم يبغون يشككون باشاعه ان الاسعار بدت تنزل ويرفعون .. منها يكسبون للي يشتري ومنها يخوفون الناس ان الاسعار في ارتفاع وماراح تنزل

طيب لو قلنا ان القوه الشرائيه للريال السعودي اختلفت وال 500 ماتسوي شي

بس بالمقابل احنا نتكلم عن اراضي مو شي مستورد
والريال السعودي محافظ قوته داخليا وبعض منالخارج ..

ليه ارتفاع الاسعار ؟

عشان الحديد والاسمنت مو هي بالاخير صناعه سعوديه سابك ومن مصنع الاسمنت .. يعني حنا مانستورد اهم شيئين

ايش السبب اللي يخلي عقار 300 م ب مليوووون ترى وربي ماتدخل المخ


طيب لو قلنا الديكورات والبويات والخ .. هذا كله شغل مقاولات تكلفه بحدود 50 الى 100 لوكان الشغل اووووكيه مع انه بدوارتي بالفلل اشوف الشغل كله تكرار بعض وتجاري

طيب لو شرينا هالعقار اللي بمليون - من يحمينا من الشغل التجاري .. من التسليك من العوازل اغلب الفلل وحدااات وشغل تجاري يابنات الى مين نلجا


طيب فلل اللي عمرها من 20 وفوق وش دخلها ترتفع اسعارها وربي سالت على فيلا عمرها 30 سنه مساحه 600 على شارعين قالي بمليون و 800


يستهبلللل ؟؟


تدرون ان بامريكا مقسمين الاحياء والقطع الى اقسام وكل قطعه لها حد معين يترواح مابين كذا الى كذا


صارت الاراضي محميه من جشع السماسره .. ومعروفه التسعيره للسكان


اما عندنا


ولا شي .. ولا في مبرر لارتفاع الاسعار


بنات خلونا نتناقش سبب هالغلاء هل انا فاهمه غلط ولا فعلا في رفع اسعار

مع احصائيه تقول ان 80% من المواطنين مديونين

واغلب الرواتب مابين 4-10 الاف ..




واللي يقهرك لاجاك وقالولك بناء شخصي ,, يعني اللي مو بناء شخصي تجاره .. المفروض كل المباني بناء شخصي هذي ارواح بتسكن