كوبونات الراقية تسجيل الدخول

روز السوسن

للي ما تصدق بالي يسحرون في الاسواق قصه واقعيه

الملتقى العام •

القصه صارت في رمضان قبل 20 سنه كنت في اول متوسط وقالت لي امي ابغاتس تروحين معي لسوق الحب الي في الدمام علشان تبي توزن ذهبها وتزكيه وتعرفون العجز اول ايدينهم مليانه غوايش وامي بدويه وغوايشها ضيقه عليها ما تدخل يدها الا بالصابون المهم وصلنا للسوق وقت صلاة العشاء وجلسنا عند واحد من محلات الذهب امي تتعامل معه دايم وجس اجلست حرمه بيني وبين امي وحتى قامت تدزني شوي عن مكاني علشان تجلس بينا ولابسه برقع بس لهجتها نوريه وانتوا اكيد تعرفون النور المهم قعدت تسولف مع امي وانا قمت وقلت لامي عطيني اشتري ماي من البساطات الي في السوق ولما رحت ورجعت لقيت الحرمه قاعده تحاول تسحب غوايش امي من يدها وامي ساكته ولا كانها موجوده شفتوا الي فاقدين الحس يعني زي الي تطالع في جهه وحده وانا كنت جايه من ورا الحرمه ما درت عني وانا على نياتي سالت امي ليه تطلعين الغوايش بتبيعينها الا تقوم الحرمه تفز فزه وتركض ما شوف الا غبرتها وانا مفهيه مدري وش السالفه وامي تقوم كنها مقروصه وتدور على شنطتها وتلقاها تحت العبايه وتقوم تضربني بالشنطه وتقولي لعبوتس تشوفيني انسرق وساكته ما ناديتي الشرطي قلتلها وان وش عرفني انها بسرقتس المهم الحرمه ما قدرت تسرق الغوايش لان الغوايش كانت ضيقه على امي وما درت عن الشنطه ولما سالت امي وش حسيتي به قالت كني منومه وما صحيت الا على صوتس والحمد لله جات على كذا يله الي تقول ما فيه سحر بالاسواق تفسري الي صار مع امي وهذا من زمان وامي تقول الحرمه قمرقت علي يمكن بعض العضوات يفهمون معنى هذي الكلمه
44
8K

يلزم عليك تسجيل الدخول أولًا لكتابة تعليق.

تسجيل دخول

ترانيم المساء*
ترانيم المساء* •
الله المستعان صار السوق يخوف
(فيونكة حمرا)
(فيونكة حمرا) •
اش يعني قرمققت
متجر ضي القمر
متجر ضي القمر •
كل شي بالزمن دا يصير الله يستر ويحمي الجميع
ريـــما 2010
ريـــما 2010 •
صارت مره مع زوج أختي لما كان مسافر برا جات بحرينيه عنده وولدها شاب قالت لزوج أختي وش عملتكم وريني وراها قالت له شوف هذي عملتنا قال يوم ورتني حسسيت إني دايخ وشوي أحط يدي بالشنطه بعطيها فجأه حس على نفسه قالها لالا مامعي شي وصار يررركض وإنحاش وكل ماشاف أحد بذاك المول يقولهم ينتبهون من الحرمه ههههههههههههههههههه

مدري هو متحصن أو اختي مستودعته سبحان الله ما جاه أذى

وهذا إسمه سحر مؤقت والله أعلم




سبحان الله وبحمده
سبحان الله العظيم
أستغفر الله العظيم وأتوب إليه
سيدة ذوات الحسن*
سيدة ذوات الحسن* •
ي الله تخوف اهم شي الأذكار ودعاء السوق
ويخسو ان شاءالله مايقدرو علينا الله يكفينا شرهم ي رب