السلام عليكم
يا بنات لقيت بنات كتير بتقول ان طلع لها كرش بعد الولادة
فقررت اكتب لكم تجربتي الشخصية للافادة
شوفوا بقي انا لما كنت حامل قرأت كثيرا عما يجب عمله بعد الولادة للمحافظة علي بطنك (لأني اتعقدت من صاحبتي ولدت و كأنها لسة حامل في التاسع)
لقيت انك لازم تتحركي بعد الولادة بأسرع ما يمكن
وده أول شيء عملته أول ما فقت من التخدير قلت لأمي ساعديني أدخل الحمام طبعا حاولوا يمنعوني بس قلت لهم لازم أدخل الحمام
طبعا الألم كان شديد (الله يعافيكم) بس قلت لنفسي مفيش حلاوة من غير نار و كمان هي دي أيام تعب كده كده بس بعدها هأقوم ان شاء الله كويسة
و كمان كنت حاطة قدمي في وضع مفرود برغم الألم بس ده كان عشان الجرح يلم أسرع و عضلات بطني تظل مفرودةو مشدودة
و كنت كل شوية أقوم أتحرك و أفكر نفسي انه بجملة التعب أحافظ علي جسمي
لما عدت للمنزل و ثاني يوم
كنت و أنا نايمة علي ظهري أفرد جسمي خالص و اتحمل الألم و أشفط بطني و أكتم نفسي ل 3 - 5 ثواني و بعد كده أتركها و أكرر عدة مرات
و كنت كل لما أفتكر أعمل كده برغم الالم الشديد بس هو كده كده فيه ألم
و لزيادة الأستفادة في الأيام التالية كنت أشيل المخدة و أحط رأسي علي السرير مباشرة
و طبعا لم أشرب المغات و لا أكل المفتقة و لكن ركزت علي الأشياء المفيدة
و بعد الولادة مفيش حد صدق اني ولدت قيصري لأني شكلي كأني عمري ما حملت لأن بطني زي ما هي
و نصيحة أخيرة مني
انا زدت في الوزن بعد كده عشان ما كنتش بتحرك كتير في البيت
اتحركوا ففي الحركة بركة
أرجو أكون أفدتكم
أدعوا لي بالهداية انا و زوجي و ابني و يبارك لي في ابني:04:
أم مؤمن2006 @am_momn2006
عضوة فعالة
يلزم عليك تسجيل الدخول أولًا لكتابة تعليق.
sosa1211
•
ماشاء لله
الصفحة الأخيرة