لما تنصدمين وشتسوين ..💔

السلام عليكم ورحمه الله وبركاته ..
مساء الخير بنات اخباركم ؟؟
اليوم ماعندي مشكله ولاشي بس حبيت افضفض
مجتمعنا فيه عادات تتشابه واكيد بتحسون فيني صارلي موقف حسيت اول شي بصدمه😳
وبعدين تعوذت من ابليس وقلت ممكن مامعي حق
تخيلو يابنات زوجي تعب علي فجأه وهو طيب وبخير ماكان يعاني من شي وورجت معه المستشفى وهو كان رافض رفضضض قاطع بس كان جد تعبان وكان ضروري اروح معه عندنا سواق وهو اللي وصلنا والعيال كلمت شغاله ام زوجي ونزلتهم عندها مع ان الوقت متأخر بس مضطره شغالتي رايحه اجازه لديرتها المهم بس جلست شوي بالمستشفى وزوجي احسه شايل همي مرره مع ان المكان مليان خريم ورجال وكل شوي يقولي اول مايجي الصباح بكلم واحد من اخواني وانتي ارجعي
المهم صار يحتاج عمليه وقدر الله سوو له وفعلاً الصباح رجعت واخذت عيالي ورجعت لشقتنا
(حالياً مستأجرين شقه نسوي تعديلات بالبيت )
نمت وصحيت اتصل عليه مليان عنده عيال عمه واخوانه واصحابه ومايبي حتى يرد علي وقلت ممكن معه حق
ثاني يوم اتصل يعطيني مشغول سويت بوكيه ورد كبييير وعبيت صينيه تشوكليت وارسلت قهوه وشاهي مع السواق تخيلو رجع الورد 😳قلت للسواق ليه قال بابا قول رجع هذا للبيت بس خلي القهوه والشاهي استغربت الحركه ومايرد علي وكلمني باليل مرره وحده قال انا طيب وبخير وانتبهي للعيال وقفلي الشقه عليكم واذا طلعت بروح مجلس اهلي عشان الناس بيجوني هناك وماينفع اجي الشقه
حسيت بالغبنه يابنات 😭
انا لاااتعليق ماقدرت اقوله كل شي اقوله ابشر وبسس احس مو وقته اقعد اقوله ليه وماليه وليه ترجع الورد انا عارفه ردوده مسبقاً بيقول ماله داعي الرجال مايحبون هالحركات وبيعرفون انه منك 😭
تخيلو الورد ب٤٠٠ريال اغتلق كل مااشوفه احس بضيقه واليوم قطيته بالزباله