لمن تريد اكتساب خبره

اخواتي العزيزات
انا من متابعين المنتدي و خاصه قسم الحمل و الولاده منذ بداية زواجي و حملي ووجدت الكثير من الخبرات و المعلومات ممن سبقني في شهور الحمل او ممن سبقني في مرات الحمل و الولاده
و اليوم اريد ان افيد اخواتي الحوامل و الموشكات على الوضع بسرد تجربة الولاده الخاصه بي
ارجوا اني لا اكون طولت عيكم
في الاسبوع الخير من الشهر الثامن نزلت علامة الولاده"مخاط به عروق دم رفيعه" و كلمت الدكتوره فقالت انه ليس من الجيد ان الد الان و اعطتني اقراص لايقاف الطلق حتى ادخل في الشهر التاسع ولو يوم واحد ثم الد و بالفعل حدث اني دخلت في الشهر التاسع اسبوع
ثم ظهرت علامة ولاده اخرى فذهبت للطبيبه ولما كشفت قالت انتي في ولاده و الرحم مفتوح قيراط ولكن الا تشعري باي الم او تقلصات؟ لاني ذهبت بعد رؤيتي لعلامة الولاده بمده كافيه لظهور بداية الوضه فاجبتها مجرد تعب ظهري اللي زاد مع نهاية الحمل فقط قفالت خلاص خلي طلقك كده كسلان كمان كام يوم نستفيد بيهم في الشهر التاسع وانتي ممكن تولدي كده على 1/5او2/5 بالكتير على الطلق ده
"انا كنت عندها يوم 26/4" وروحت ومضيت يومي عادي ثم قبل الفجر صحيت علي مغصه شديده ثواني ثم راحت فحاولت النوم تاني شويه وجت تاني نفس المغصه و اتكرر الموضوع كل 10 دقائق و انا مابين دي ولاده ولا ايه طب الكتوره انا كنت لسه عندها و قالت لسه شويه طب ده طلق
فكنت قريت في المنتدى انه ممكن يكون طلق كاذب ويروح المغص لورحت الحمام "لا مؤاخذه" المهم رحت ولا راح المغص ولا حاجه صحيت جوزي و شوفو الرجال اللي تغيظ اقوله تعبانا يقلي و هو نايم معلش الف سلامه و يكمل نوم
شويه حسيت بامي بتصلي الفجر يعني صاحيه رحت و حكيت لها و حسبت لقيت المغص كل 5 دقايق مش عشره زي مكنت فاكره
استنيت للساعه 7صباحا و كلمت الدكتوره قالت دي ولاده تعالي حالا رحت وكشفت وقالت ان الرحم بيتفتح المهم علقت المحلول بتاع الطلق بقت المغصه تيجي كل 3دقايق وتتطول مش ثواني زي الاول قعدت افتكر كل اللي اعرفهم و ادعي و ادعي لي و لجوزي و امي وابي الله يرحمه ويرحم اموات المسلمين و ادعي لكل مكروب يفرج عنه وعني كربتي و بعد 3ساعات كشفت وقالت يالا علي العمليات علشان العريس يشرف و الحمد لله ربنا كرمني بمروان ربي يحفظهولي.
المهم الولاده ليست شئ سهل ولا شئ مستحيل وربنا يسهل للجميع وانا جاهزه لاي استفسار في حدود معلوماتي و ربنا يفرجها ويرزق الجميع انشاء الله