لنقاش....أحذري من اظهار طيبتك بهذه الأساليب

أخواتي الحبيبات
اسعد الله أوقاتكم

أنا مرت بتجربة شخصية لمرات عديدة وانخبطت على راسي

كنت أظهر غلاتي للي أحبها بطريقة اكتشفت مع الأسف الآن
انها غلط بغلط
كنت اظهر اهتمامي برأيها واعتزازي بثقتي فيها لكن ماكنت متوقعة ان الخرائط الذهنية مختلفة في توصيل المعلومات(للأهمية...أقرأن الخرائط الذهنية واختلافها من شخص لشخص)

كنت أحرص على أخذ رأي اللي أحبهم في أشياء كثير
شكلي, لبسي, بيتي, طريقتي في حل مشكلتي
وكيف أعامل شغالتي

طبعا اليكم بعض العبارات الهبلة والساذجة اللي استخدمتها::
اصلا ما يحلى الشي الا اذا عطيتيني رأيك فيه
اش رايك بذوقي؟؟والله حلو....تسلمين
انا اثق برأيك عشان كذا قلت لازم استشيرك
اللحين عجبني كنبي مدام عجبك....
الدنيا ملخبطة عندي ...لا مو هالكثر بيتي بيتك أجمل
أنتي ذوقك روعة لازم تعطيني رايك في كذا وكذا
لازم تمريني تشوفين كيف سويت بدولابي ؟؟

طبعا والله القصد الغلا والا أنا اشتري بدون ما أعطي رأي كثير للكل , وذوقي ولله الحمد الكل يمدحه
وهذا الأسلوب مو على طول بس مع ناس أغليهم وأحسسهم انهم أهل بيتي

طبعا مالت على هالأسلوب ومالت ومالت
وصل لهم أشارات اني مو واثقة بنفسي واحتاج دائم للتدعيم الخارجي مع ان ربي رزقني بصديقتين يكفوني عن الكل وفاهميني زين وما يسيئو ن فهمي

المهم اليكم الردود السلبية اللي حصلت عليها:::
شكلك مو عارفة قيمة نفسك؟؟
غريبة انتي تطلبين الرأي ؟؟؟توقعت انك مستغنية
لازم تكونين واثقة بنفسك كثير ولا يهمك رأي أحد
عززي ذوقك بقراءة المجلات الديكور اذا مو عاجبك


صراحة ندمت ندم شديد لأني أسأت استخدام الأسلوب اللي اوصل به غلاي ,, وأعطيت انطباع ان ثقتي بنفسي متدنية ,, لازم الإنسان يكون عنده لغة الإعتزاز بما يملكه وذوقه
وهذا يظهر في طريقة حديثه فأني مشكلتي اني استخف مع اني شخصيتي تميل للرزة بس على بالي بكون دمي أخف وألطف مالت والله وأنا بطبيعتي أنحب أكثر

المهم لاتكوني برناويا ومغرورة ونرجسية
لكن لاتخفين الا قدام من يعرف ان هذي أنتي
بس توك تعرفين وحدة وبناء على حبك وارتياحك تبهذلين بنفسك
ترى الإشارة السلبية توصل مثل ماهي
يعني لو قلتي فساتني غالي ومكلف بس احسه غامق شوي؟؟؟
توصل فعلا على أنه بشع لنه غامق

لو قلتي ودي أغير طاولتي احسها شوي مو متناسقة مع الكنب؟؟؟؟؟؟غلط
بينأخذ فكرة انك ما وفقتي بالإختيار

تحياتي
أنتظر ردودكم