لهدرجه بعض العضوات قويات!؟

مراحب 🌻🌹💐
اول شي اشكر كل وحده تفاعلت في مواضيعي وساندتني لو بكمه ودعوه وجبرت خاطري ماتعرفو قد ايش كلامكم يريح ويسعد البال والقلب .. جعل كل من كتبت لها سعاده ماتنتهي ومايجي رمضان الا يتحقق لها الي في خاطرها ❤
ابغى اعرف بس شي بسيط .. من خلال التعليقات على موضوعي وموضوع غيري من البنات الي ينفصلون اشوف البعض تكتب ببرود رد الفعل
انه الحمدللله خلصتي منه وانسي وعيشي حيااتك
ماهو اخر حبه وهذا ماهو رجال يتحسف عليه الواحد
او الي تكتب خلااااص انسيه صار لغيرك " هذي لحالها تقتل"
والي تكتب انسي واشتغلي على نفسك ولا تفكري فيه مايستاهل
وغيرها كثير بس جبت لكم بعض الامثله الي قريتها .. ابغى اعرف هل صاحبات التعليقات بذي القوه فعلا لو مرت بنفس تجربتنا يلي انفصلت ؟!
هل شي سهل الوحده تعيش فرحه وتحس انها طااارت بالسماااااا وفجاه هووووووب تخبط بالارض خبطه قويه !
اعرف كله قدر ونصيب والحمدلله الي كشف كل شي وهو يعرف الخيره والعوض الجميل منه سبحانه .. وكل شي لحكمه
بس هل فعلا انتو يابنات داخليا بتكونو راضيات عن ذا الكلام مابتقولين ليه يصير لي كيذا؟ ابغى اعرف انا لهدرجه ضعيفه ولا ماعندي رضا وقناعه ولا ايش !؟
طبعا انا طبقت كل حرف انكتب لي قبل بس للان احس قلبي يتفتفت من الالم والخذلان الحمدلله .. ومهما حاولت انسى يطلع لي شي غصب يذكرني بكل شي
ابغى اشوف ردودكم .. والله يسعدكم دنيا واخره 🌸
وامانه الي يقراون موضوعي عضوه او زائره ادعيلي دعوه حلوه قبل تخرجين من قلبك ولك بالمثل وافضل ان شاءالله 🌹🌹🌹🌹