لورجعتي من سفرك وما لقيتي بيتك,,وش تسوي؟

بسم الله الرحمن الرحيم

اخواتي الحوائيات السلام عليكم ورحمة الله وبركاته...احبكن في الله جميعا وانا من سنوات اتابع مواضيعكم الرائعه ويعلم الله كم استفدت منها كثير..لااريد الاطالة لكني اتمنى من الله ان اجد منكن من تشاركني همومي وتعطيني رايها بصراحة,,بالاختصار ..ان الان مغتربه ومن اكثر من سنة واعيش في بيت في حي راقي ,شارك في بنائه زوجي مع والده رحمه الله,اسكن في شقه فوق مجهزة بافخم الاثاث والاجهزه وتعب زوجي في ترميمه وتزيينه وبحكم انني زوجة الكبير ولي ابناء كثير,,الله يحفظهم ويصلحهم وبحكم ان زوجي شارك في بناء البيت بالنصف والنصف الاخر من والده فقط ولم يكن من اخوانه احد مشارك فيه لانهم كانو يدرسوا في الجامعات.هذا جعلنا ناخذ الدور الثاني ونتوسع فيه بالرغم من اننا لسنا في نفس المنطقه فعمل زوجي يحتم علينا التنقل من مدينه لاخرى لكن كنادايم عندهم في الاجازات والاعياد والمناسبات.المهم الان ونحن هنا في الغربة صعقت بطلب ام زوجي من زوجي ان نتنازل عن هذه الشقه وننزل تحت عندهالاسباب اقتنع فيهازوجي ويعلم الله اني لم اقتنع بواحد منها,اولها""موت عمي يرحمه الله قبل سنه وزوجي في الغربة وهذا اكبرضغط مارسته امه عليه بانك انت يافلان:تعني زوجي"انت الكبير وانت ابو البيت وابغاك تكون عندي بدل الشايب الله يرحمه..وثانيها ان ابنها الثالث والصغير سبق ان تزوج وطلق مرتين وكان عندهم ساكن تحت والان لن يقبل به احد وهو عندي تحت فاعطه بيتك من فوق عشان يستقل ويعيش حياته.وايضاعشان اخوك الثاني ياخذ من شقتك ويتوسع في بيتك.وافق زوجي رحمة منه على امه وخوفا من حزنها لانه يقول فقدت ابوي وانا بعيد وما ابغى امي يصير فيها شي بسبب بيت لااراح ولا جا ولوتطلب منه امه ان يكتب كل املاكه لها ماترددلحظه.في النهايه الان اخذ مني بيتي اخرجوا كل عفوشنا منه حتى المطبخ طلعوه ومواعيني وفرني واثاثي نزلوه تحت عند امه وصدقوني ياحيبيباتي ان اكبر اعتراضي ان البيت اللي تحت مااقدر استخدم الا 3غرف بس منه لي ولزوجي ولاودي و شغالتي والمطبخ امه متحكمة فيه هي وبناتها بشكل محد يتصوره وانا احب اطبخ ودقيقه في شغل البيت والاكل وخصوصا ان ابني الكبير ابتلي بمرض السكر وبنتي بمرض في كليتيها هذا بالاضافه الى انني حسسسااااسه بقوة ومااتحمل حركات زيادة مليييييت من المشاكل 14سنه من زواجي .


اسفه جدا عالاطاله ولكن حبيت اخذرايكم واستانس بمن يواسيني واسترشد باراء المحررات والمشرفات دايم تعجبني تعليقاتهم,,وللحديث ان شالله بقيه لاني لو اكتب لكم تجاربي وقصتي ما انتهيت منها ..شكرا لكم على قراءة موضوعي.واتمنى لا تبخلوا علي بالردود