لوكنتي عروس مثلي...شو راح تسوين!!!!

السلام عليكم ورحمة الله وبركاته
أخواتي الحبيبات........
انا عضوة جديدة واتمنى تقبلوني بينكم :27:
الصراحة المنتدى قمة في الروعه بتفاعله وبردودكم الصادقة
هذا اول موضوع لي وأتمنى انكم ماتبخلون عليه بردكم....
بكل صراحه أنا عروس صغيرة (ودلوعة) :p وحيدة امي
وعرسي بشهر 6 والصراحة مو عارفة شو اسوي بالضبط
انا ماعندي حد أسأله وماعندي حد يقترح عليه شي...
أمي كبيرة وراحت عليها سالفة التجهيز اللي يماشي الموضه
اباكم تساعدوني وتقترحون عليه
واخص بالذكر بنات الامارات...لانه في مواضيع كثييييييييييييره عن
عرايس 2006 وهالمواضيع تكون عامة وانا اتوووه فيها لما اقرا
علما بأني طالبة وماعندي وقت...
انا بخبركم قصتي وانتوا اشيروا عليه
وبعتبركم خواتي الكبار اللي راح تساعدوني في كل شي..............
(الله لا يرحمني منكم)
الله يسلمكم....على أهل زوجي الملابس (المخاوير- المغربيات-الفساتين-العبايا)
بالإضافة (للذهب)
عطوني مبلغ 30 ألف....ماعرف احين من وين ابتدي..وكيف اتصرف!!!
اريد اسامي أماكن للفساتين الروعه
أنا سمعت عن مكان في دبي أسمه (أبراج السعيد) حد يعرف عنه شي وكيف فساتينه
بعد سمعت أن بخلف بحيرة خالد بالشارجه اماكن للفساتين
وفي عجمان حريم يأجرون فساتين
شو رايكم انتوا؟؟؟؟؟؟؟شو تشورون عليه
وبخصوص المكياج
انا سمعت عن وحدة اسمها (هيفا صفر) شو رايكم في مكياجها؟؟؟
وبعد وحدة أسمها (هند)
عندي أسئلة كثييييييييييييييييييييييرة مادري اذا عندكم استعداد تردون عليه...
.......................
وعندي سؤال مهم ومحرج جدا غير موضوع التجهيزات
عندكم استعداد تجاوبني لاني الصراحة بخجل وماعرف منو اسأله...
....
خلوني اشوف ردود عشان اتشجع واسأل السؤال
أختكم الصغيرونه
عروسة دلوعة