سلام عليكم ورحمة الله وبركاته
ماادري كيف ابدا قصتي اخواتي هي قصه طويله وربي يشهد علي ان كل كلمه اقولها حقيقه مو من نسج الخيال
وان فيه ناس ماتخاف من الله تكذب وتظلم وتتناسا ان فيه موت و حساب وعقاب وجنه ونار
مشكلتي اهل زوجي من اخذت ولدهم يعني ماكملت وربي اسبوعين من زواجي الا جابو ام زوجي وشغالتها وسكنوها عندي هي مطلقه من 25 سنه من ابو زوجي ومريضه نفسيه يعني مرض حاد معها انفصام
كنت اعرف انها مريضه بس موالمرض الشديد هذا وسكت وقلت حرام هذي امه وخدامتها معها يعني مالي شغل فيهاوصارت زوجة ابو زوجي تتدخل بكل صغيره وكبيره في بيتي وترمي علي كلام وتكلم زوجي وتقوله انت تغيرت بعد ماتزوجت انت مانت فلان اللي نعرفه حتى خواته من امه وابوه يرمون علي كلام اذا جيتهم فلان كان يجيب لنا هذا وجيب هذا
وصرت مااروح لهم بس ام زوجي ارسلها هي وشغالتها لهم تروح تشوف بناتها وعيالها حتى انهم مايبغونها لانها مريضه ومايتحملونها وياليتهم هم يجونها يتهمونا انا وزوجي أننا منعناهم عن زيارة امهم وتقول زوجة ابوهم هذا الكلام في كل مكان تروحله حتى انهم يكرهوني رغم ان زوجة ابوهم تكره امهم ولاتطيق تشوفها المهم انهم يدخلون في كل كبيره بحياتنا اذا رحنا دقوا علينا عيالها حتى يعرفون وين نروح حتى ابو زوجي يتدخل يقول لاابوي
بنتك مالها دخل بشغالة ام فلان قصده (ام زوجي).
وهي معي بالبيت وسكت وقلت يالله اصبر علشان زوجي هو طيب معي وزاد تدخلهم حتى انهم ينقهرون اذا زوجي وداني لاهلي يقولون ليش توديها لاهلها وصار اهلي واهل زوجي مايكلمون بعضهم وزادت المشاكل بسببهم حتى اهلي حاولوا يصلحون بس مافيه فايده وزوجة أبو زوجي هي اساس المشاكل وهي المسيطره وزوجها وعيالها يسمعون لكل كلمه تقولها ومره زوجي جابلي باقة ورد هديه لي وشافتها اخته من ابوه وقالت لأمها وابوها فقاموا دنيا واقعدوها على زوجي .....والله يشهد علي ان كلامي صحيح ماأدري وش هذا الحقد علي رغم اني لااحب المشاكل وزادت المشاكل لدرجه انهم كل يوم جايبين مشكله لي عند زوجي وياريته كلام صحيح كله ظلم وكذب مثل هي تضرب امك ..قالت كذا عن امك والله يعلم ان امهم هي عندي لها 4سنوات وبناتها وعيالها يجونها يجلسون عندها ساعه واقل ويروحون حتى بناتها مايسلمون علي حتى الشغاله سفرناها تقول مدام هذي مجنون انا مااقدر عليها وانا اهتم فيها باكلها وشربها ونظافتها حتى اني احممها لانها ماتهتم بنفسها تسوي على نفسها وانا مابغى هذا الا من عند الله واخرتها يطلبون من زوجي انه يطلقني يقولون هي ماتصلح لك........ وزوجي طبعا ماسمع كلامهم وقالهم هذي امي خادمتها وماهو عاجبكم وهي طيبه معكم قالوا هي اصلا ترقع ماسوته يارب وش سويت حسبي الله عليكم واخذنا شقه بعيده عنهم حتى نرتاح من مشاكلهم وصاروا هاجرين زوجي مايكلمونه حتى يطلقني وابوه بعد هاجره .......بس وهذي كل السالفه هي بس فضفضه لبنات منتدى عالم حواء لاغير ومااقول الا حسبنا الله ونعم الوكيل...
salo0o0oa @salo0o0oa
عضوة جديدة
يلزم عليك تسجيل الدخول أولًا لكتابة تعليق.
يازينك مظلوم ولا ظالم
ابشري بالاجر ان شاء الله واحمدي ربك زوجك بصفك والله لو كلهم معاك وزوجك ضدك ماراح يهمونك
لاتخافين كل شي باجره ياعمري الدنيا فانيه
وانتي رايتك بيضاء
لايهمك احد
ابشري بالاجر ان شاء الله واحمدي ربك زوجك بصفك والله لو كلهم معاك وزوجك ضدك ماراح يهمونك
لاتخافين كل شي باجره ياعمري الدنيا فانيه
وانتي رايتك بيضاء
لايهمك احد
مشكورات يانوونا وحنين الامومه ونوفاا الله يسعد ايامكم ويحفظكم ويعطيكم الاجر على الكلام والدعوات الحلوه لي
صراحه الانسان بالدنيا ايش يبغى الا حب الله ورضاه وطاعته ثم دعوات الناس الطيبه ولكم جزيل الشكر.......
صراحه الانسان بالدنيا ايش يبغى الا حب الله ورضاه وطاعته ثم دعوات الناس الطيبه ولكم جزيل الشكر.......
الصفحة الأخيرة
بس انتي دامك كذ1 قايمه بامه لاتخافين ربي يرزقك الاجر والثواب والنصر باذن الله
وماعليك مهنم بس تحسبي عليهم كثيرر وادعي ربك كثيرر