لولب .. حمل .. اجهاض .. كلها اكتشفتها بثلاث ساعات ااااه اجهضت

السلام عليكم ورحمة الله وبركاته. .
قصتي طووويله عريضه الله يعينكم علي الاستماع..
في البدايه انا مركبه لولب من ثلاث سنوات وانا عندي بنتين .. والحمدالله اموري ماشيه
ماتعبني الي كثافة الدوره والماغص وقت الدوره.. ولا غيره الحمدالله..
المهم بشهر 2 قلت افك اللولب احمل.. بس سبحان الله ربي ماكتب افكه..
عارض زوجي قال خليها الشهر الي بعده .. المهم تركته .. شهر 3 جتني افرازات الدوره الي هي خيوط بنيه بنفس وقت الدوره.. المهم واتجه لمستوصف اهلي علي طول فكته لي ماسوت لي اشاعه او تحاليل .. بعدها قالت روحي فعلا رحت البيت الي فجأه هالافرازات خفت وانتظر يوم يومين ثلاث مافيه ولا نقطه .. وطهرت وجلست يوم وبعدها رجع الدم ..قلت اكيد دوره .. بس لونه احمر فاااتح جدا .. خفت ورحت المستوصف نفس الدكتوره الي فكت لي اللولب .. سوت اشاعه داخليه قات عندك بطانة الرحم سميه جداا لازم نطيحها .. بس اول شي اعملي تحاليل شامله قيمتها 2500 قلت اكتب التحاليل بورقه .. وانا أساساً عندي ملف بمستشفي الملك خالد الجامعي .. لان زوجي استاذ هناك .. المهم واروح من بكره الصباح علي المستشفي واعمل الفحوصات كامله والنتيجه بعد يومين واطلع وبعد يومين رجعت قالت لي الدكتوره انتي حامل :08: .... قلت كيف ومتي وشلون بعدين انا هالشهر الي راح اخذه 8 ابر بنج للأسنان وثاني شي فكيت اللولب ولاصار بيني زبين زوجي اي جماع كيف احمل .. قالت نسوي لك سونار داخلي.. وفعلن سوت لي قالت لك 6 اسابيع حمل .. وانتي اللحين بمرحلة اجهاض.وواضح انك حامل علي اللولب والي فكت لك اللولب مفروض سوت لك تست حمل.. وواضح انها توهقت لما شافت الجنين وقالت لك بطانة رحم ومن هالكلام تبي تطيحه وتغطي علي نفسها .. المهم اني وكلت امري للله و. الحمدالله علي كل حال واعطتتي حبوب عشان ينزل البيبي .. واللحين انا معي قطع واكيد ان هذا الجنين والله تخنقني العبره اذا شفتها كان هذا ابني او بنتي .. لاكن الحمدالله علي كل حال.. الله يعوضني خير .. دعواتكم لي ما يجي الشهر الي بعده الي وانا حامل ..