لو انتم بدالي كيف بتتصرفون ....!!!

بنات انا توني حامل وبكريه وتوني بالشهر الثالث وعلى نهايته وبدخل الرابع ان شاء الله المهم

مشكلتي مع ام زوجي تخيلوا لما علمتها طبعا علمتها بالاشهر الاول اول ما حللت علمتها لان زوجي

اكبر عيالها وكانت تنتظر هالفرصه مره ومره انبسطت هي حبوبه وكل شي بس تخيلوا انا قلت لاهلي وقالت امي

بنصبر شهر بس وبنعلم اهلنا وفعلا اول مادخلت الثالث او على نهايه الثاني تقريبا نشرنا الخبر عند اهلنا واقاربي وكل اهلي الي مطرفي وطرف امي دروا وما اخذت منهم الا الدعاء

بس ام زوجي رافضه تعلم اهلها ولا تبيني اعلمهم تقول لسه بدري اذا خلصتي الرابع علمناهم وانا ماودي لان بطني

بدا يطلع هذا شي الشي الثاني قلت لها واذا زعلوا قالت عادي نقول لهم انك توك معلمتنا عاد انا فتحت فمي

انا محبوبه عند عمات زوجي وخالاته واحس لو بيدرون اني حامل ولو قالت لهم خالتي اني توني معلمتهم احس

بياخذون مني موقف شين واحس اني حمقت وعصبت ليه تقول كذا وش بيكون موقفي قدامهم مالي داعي اوصل للرابع

ولا اقول لام زوجي خير يعني بالاخير بتحطها فيني :42:

بالله علموني وش اسوي ترى اول مره اكتب لكم مشكله صايره معي بس وش اسوي من الغبنه قلت بشوف وش رايكم :44:



للمعلوميه ترى خالتي مو خوف علي ماتبي تعلم لا خالتي تقول كما يعاملك الناس عاملهم انو الناس تغبي ولا يعلمون واحنا بنسوي مثلهم وبالاخير ندري انهم حوامل والا مسافرين اووووووا اي شي يتخبي

مو خوف علي بعض الاخوات يقولون كذا

انا مو مشكلتي معها انها ماتبي تعلم لا بكيفها بس تقول لو قالوا ليش ما قلتوا لنا بتقول لهم والله زوجه ولدي ماعلمتني انها حامل الا لما خلصت الرابع فهمتوا يعني بتحطها فيني

وش بيقولون عني الناس ياكافي ماعلمت خالتها انها حامل الا لما وصلت الرابع وخلصته فهمتوا وش الي ابي اوصله