لو اولع اصابعي شموع له ولأهله مافاد فيه لاهو ولا خواته

تزوجت واحد على كثر ماناظرته وداريته مافاد فيه
آكل وشارب ونايم وعالجوال والتلفزيون ماروح لعرس الا لين اصيح ولاسوق لحاجه الا بهوشة وعقب بكم يوم
اطبخله وانفخله الغداء والعشاء وتحسبون لاقال ماشتهيت عشا اقول الفكة لا قلبي مايطاوعني اقول كل وراك تنقذ لو خفايف
من خذته انقطعت عن الزواجات العزايم الدوريات الحدايق دور التحفيظ والملتقيات وياليت عندي لو سيكل مسموح كان رحت وطلعت انغمت انسي يطلع
لو ابوي الكبير بالسن ماقدر شيبته يجرجره احيانا عشان حضرته نايم ومايبي يوصلني اعزي في ناس او ابارك لناس في ولاده
ماقد قلت له جب من المطعم الا بوقت حملي ونساتي ومو دايم بعد افضل شغل البيت ونظافته على المطاعم
حملت وولدت والله ماقد مدلي كاس المويه
بنته انا اللي اناظرها واسهر معها واشيل فيها واحط واوكل وهو ماقد لقمها اللقمة في ثمها
كل مارحنا لاهله اسمع خواته مايفارقون الحدايق والاسواق والمنتزهات والكوافير واتحسر واخرتها يقولون انتي اللي معودته وزوجك على ماتعودينه مع انهم عارفين اخوهم من اول عجاز وعشبة غار
حريم اخوانه والله مايطبخون يوميا مثلي ولا بيناظرون عيالهم مثلي وينامون لو كانوا ماناموا بحضرة رجالهم نام مانام بلعنه مرة بتطبخ مرة ان كانها مانامت يجيب من مطعم يطلع لاستراحة مع اخوياه يحاكي نفسه او عالجوال بالسلامه يتصرف
لكن انا شغاله على خطين بنتي تقوم اقعد معها الابو ينوم يقوم الابو البنت تنوم وعهالحاله ولااحد يقول زيهم انتي مخربه نومها ولاعودتيها عمرها سنه و5 شهور وتتعبني يعني مااقدر اقومها وانكد عليها عشان يزين نومها بتحسرني ولاجاها النوم اقول ترتاح وارتاح شوي مااقول بخليها وبدلها لين يجي وقت النومة المضبوط ابي اتفرغ للبيت اطبخ واغسل واكوي وارتاح شوي واصلا ابوها بكبرة كل يوم له جدول في النوم مافي الا اعطيها حبوب منومة ومو دايم بنته تصير نايمه عندهم
مرة كل شهرين مثلا و تصير قايمة اول ماتروح يلحقون عليها او فالليل تقوم وحنا عندهم
السالفه ومافيها كل اسبوع كل مارحت لاهله لازم يدق فيني بالحكي لازم ينتقدني بسالفه
تحسينه حاققققد عليك من قلب
بينما اخوه اللي اكبر منه انا صديقة زوجته واعرف نومهم وقومتهم وطبخها اكيد فيها قصور بس والله ماندري عنها الا منها هي تسولفلي ماقد ذكرها الا بالزينه او مايقول فيها شر ماقد قال طبخت ماطبخت نامت مانامت سوت ماحطت
وكل اخوانه كذا مافيه الا زوجي وخواته حش رايح جاي بالطقاق يبون يحطون العيب فيك غصب طيب المهم يلفون ويرجعون عليك ماعمرهم صاروا محضر خير وبلعوا السنتهم
الصوارير لها شهر فالمطبخ من رمضان تحسبوهه تنفذ تسنع جاب له بودرة بعشرين وحطها لهم ولافكر وش اللي الله قدره عليه
قالي من مواعينك الوسخه وعند اهله يقول مولعه لمبة المطبخ تصرف علي عشان الصوارير لاتطلع بلا مو جوادتك ماشفتك من اول يوم جايب البودر والمبيد ومبادرهم قبل لايفقسون بكل مكان
وهو مخلي خرطوش المجلى مالزقه زين وطلعو ويوم نشبت فيه يصلحه قلت اكيد بيظلون على بقايا أكل بس لهم مكان طالعين منه دعى علي الله يشغلك في نفسك عشاني قلت ناظر الخرطوش ولزقه
واخوه اسمعه يقول طلعلي نمل في بيتي علطول راقبتهم وشفت مخباهم وجبت السم والبخاخ وووو ماقال لزوجته انتي الوسخه والفاعله والتاركه ليته يتعلم منه الجوادة والسناعة
رجلين اهله اهمزها لهم ولاقال جزاك الله ولاشكر ولا ذكر لابقول ولافعل
دايم اذا تهاوشت معه على قصورة انتي نكديه وهذي دعوة اللي تملكت عليها وطلقتها
انا نكدية لانك ماقمت بواجباتك
ماخفت الله فيني
انسان ماخذك عشان بطنه وفرجة وتفرخين ليه
مافي
اي مودة ورحمه وتقدير في قلبه
من كثر مانتي شايله عليه ماتبين تدعين له لو بالهدايه والتسخير تيين بس اللي ذوقك اياه يذوقه ويشفي صدرك فيه
ويعرف قدرك وصلت لدرجة اقوله اعرس وفكنننني خذ ان شاءالله عشر كل وحده جنسية ماعاد في قلبي اي معزه له او رحمة ولا عاد ابي احمل مر كبدي ونكد علي عيشتي
كيف اعيش معه
كيف اتصرف معه
اهله وش السواة معهم نفسي ازبدلهم بس عيب والله

الله يعينك ترى الرجال م يملى عينه الا التراب والله المفروض م تطبخي له الا مره

الله يفرج همي وهمك والله يسخره لك ويحنن قلبه علي

ارحمي نفسك..واحترميهاواتركي هالاهبل الحقود..ولاتعطينه وجه واذاعيب عنداهله عطيه نظره ولاكلمه تنفص قدره ولاتبررين اي شي..
وش هالخنقه اللي معيشك فيها
ذكرتيني بوحده كان كذاوبعدماتزوج عليهاوبردقلبه خلاهاعلى كيفهاتموت قهراول وتالي....
معليش سؤال...انتوابدو..اوزوجك بدوي..

الي يرضى ع نفسه ومايحطلها قدر وش نقوله ؟
ماودي اقولك تستاهلين والي جرا من ايدك
بس يختي كل وحده تحطلها قدر بنفسها .. لاتشتغل شغل فوق طاقتها لين يتعود عليها الرجل ولين نقصت شي قال مقصره
يوم تعبانه مافيك تطبخين دقي عليه قولي تعبانه ماصلحت غدا جبلنا اكل الله يرضا عليك مايبي يتعشا بكيفه مهب ميت عشان ماكل وجبه
تهميز رجول اهله هو شي انتي سويتيه بيدينك واجره تحتسبينه من ربي .. انتي ماهمزتي رجولهم عشان ترتجين منه يمدحك ويشكرك .. سويتي كذا من كيفك فصار عليك واجب وامر بالنسبه له ..
اشياءك جمعاتك مفروض من اول مره يرفض فيها ويقول ماتقابلين الناس تحطينله حد وتقولين انا ماتزوجتك عشان تقطعني عن الخلق هذي حياتي وصديقاتي واقاربي قبل لا اتزوجك مب تقولينها بمشاوره ومسايسه تقولينها بحزم كنك مستغربه انو مانعك عنهم .. كان فهمتيه بثقه ان هالشي من اولوياتك الي ماتتنازلين عنها .. اذا قال تعيبان برقد قولي بسلامتك اتصلي ع وحده من خواتك تمرك ولا ان شاءالله خذي منه فلوس وروحي مع كريم ولا اوبر
باختصااار اعيدي جدولة حياتك من البدايه والشي الي مالك خلقه وتعيبينه اتركيه لين يصير لك مزاج
اذا هو يتوقع ان كل البيت والاشغال وواجباتك عشره ع عشره فهو لازم يقوم بواجبات الزوج والابو عشره من عشره ..!
غير كذا قصر عليك منعك انتي لاتقومين بشغل البيت قصري معه بالمثل
وبس بيحتاج وقت عشان يتأقلم ع شخصيتك الجديده بس معليش مصيره بينجبر