لو بمكاني وش بتسوين؟

سوالي للبنات لو انتي عايشه
كويس عند اهلك يصرفون عليك
لكن
هم اصلا ع قد حالهم يعني يعطونك
مصروف يادوب ٥٠٠ بالشهر للوناسه 
يعني مطعم كوفي وكل اغراضك من حسابهم
اشياء شخصيه مناسبات اي شي يعني يصير ع حسابهم
يعني عشان ماظلمهم هم مو مقصرين
لكن هذي امكانياتهم 
سوالي بكل امانه 
تتغربين مثلا تدورين وظيفه
بقطاع خاص
برا مدينتك والراتب اخر حد ٤٣٠٠
او مايسوى ابد؟؟
بكل امانه قبل فتره كنت بطق بموت
من المصاريف يعني جانا وقت انضغطنا
صدق صدق لدرجه اهلي مو قادرين يوفرون
اشياء اساسيه مسكت معي اقدم لو بعيد
لكن اغلب اللي رحت لهم وسويت مقابلات معهم وشبه قبلوني رواتبهم ماتعدت ٤٥٠٠
اخر شي امس تواصلو معي
بهالخصوص راتبها ٤٣٠٠
والدوام من ١٢الظهر الى ١٠ بالليل
صراحه جلست استخير اكثر من مره
ولا حسيت براحه كل ماجيت بسوي هالشي
شي داخلي يردني شي يتراجع باخر لحظه
واستشرت اكثر من صديقه 
مع انهم مايدرون ان اهلي قايلين ماتسوى
كلهم كلهم نفس كلام اهلي 
كانو يقولو بتتعبين وتكرفين وكل راتبك بيروح ع السكن والموصلات
وانه الدوام طويل ١٠ ساعات غير طريق
الرياض الزحمه
اهلي طبعا كلامهم 
اذا حكومي ماتسووووووووى
عجزت وانا اقولهم الحكومي شبه
مستحيل هالوقت
قالو خلاص اجلسي انتي مو جالسه بالشارع
عشان تضغطين ع نفسك وتتغربين
لما جيت حسبتها 
الرياض ارخص سكن موظفات حصلت
ب١٥٠٠
سواق ب ارخص شي ٨٠٠
غير طبعا المشاوير لو ابي مشوار
بالراحه اوبر ياخذ ٣٠ اقل شي على مشوار جنبي 
قسم بالله اني من امس استخير
لكن زي ماقلت لكم انا احس اني محتاجه
وظيفه بس بنفس للوقت شي داخلي
يردني احس اني بوهق نفسي وادخل 
بضغوطات انا بغنى عنها 
بكل امانه لكل بنت لو كنتي بمكاني 
ونفس تقريبا حياتي تفكرين تدورين
او نفس كلام الاغلبيه ماتسوى كرفك
ماراح يصفى لك من الراتب ولا الف