لو سواها زوجي أنا خلاص مالي قعده عنده تعالو اسمعو اخوي وش قالي

.











.
يابنات انا مدري وشلون أكتب والله بطني يعورني من الخوف واحس اني مافيني توازن من اللي سمعته
أنا قبل سنه زوجي سافر لدوله اسيويه مع زوج اختي ومجموعه من اقاربي كان قبل يسافر قلتله يا أنا ياهالسفره
ورحت عند اهلي وقال خلاص انا بفكر ويمكن مااروح ورجعني وكلمني قال لو مارحت بيقولون منعته زوجته ليش تحبين تسيطرين علي وتفشليني فيهم لو ماسافرت ماراح أدخل مجلس أهلك ثاني مره كل اللي معي بيعايروني
وهم اللي حاجزين لي التذكره وكل شي كيف اقول لا معناتها زوجتي مانعتني انتي تحبين السيطره وانتي وانتي
لحد ماقلت خلاص روح بس علشان انا مارضى عليك الاهانه وعدني يوديني الامارات وقلت كيفك سو اللي تبيه
راح ورجع وبدا يماطل فيني مره مقدر ماعطوني اجازه ومره مامعنا فلوس وانا انتظر الوعد حق الامارات
لحد ماكتشفت انه بس كان يسكتني وقالي انتي من عقلك كيف تبيني اوديك الامارات وفلوسنا ماتكفي نروح حتى الطايف
قلت ليش تكذب علي وتوعدني تستغفلني كذا تخليني بس اقعد احلم اني مره بحياتي بطلع لدوله خليجيه
قالي نروح مكه جده الطايف بكيت انقهرت زعلت طقيت راسي بالجدار وعذرته علشان مامعه فلوس وسكت
استنيت متى يجي وعد السفره حقت الطايف ومكه وجده استنيت شهووور لحد ماأخذ اجازه ببكا وترجي وزعل
وازيدكم من الشعر بيت رحت بعت ذهبي علشان اتمشى يعني الروحه على حسابي وكلها نكد ماذكر شي زين فيها
كان يقولي روحتي لبرى المملكه اول واخر مره اروحها ولاعاد اني رايح برى بس هالمره علشان ماحد يتطنز علي
اليوم كنت اكلم اخوي بمنطقه ثانيه بالماسنجر وقلتله اني اتشحذ زوجي ياخذ اجازه خارجيه علشان اروح للكويت لانه مواعدني ويقول الاجازات الخارجيه للحين ماسمحو فيها من عقب حرب الحوثيين
قالي اخوي يكذب عليك لأنه بيخلي اجازته الخارجيه للروحه لمصر ... انا ماتصدقون شلون راسي عورني بغيت اموت
قلتله اي روحه قال ليش ماقالك قلت لا .. قال بروح انا وياه وفلان وفلان لمصر قلت تمزح قال غريبه ماقالك
سويت روحي موب مهتمه بس حسيت كلام اخوي يغيضني فيه وقال انا بقط زوجتي هي وبزرانها عند اهلها وبنروح اقرب طياره
قلت غريبه اخوي فلان ماقالنا شي عن السفره لانه لازم يقول لامي وابوي لو بيروح معكم قال جاك العلم الخبر طازه ياخبر اليوم بفلوس بكره ببلاش <<< قالي كذا كأنه يقهرني
... قلتله اي ماوصيكم على زوجي انتبهو له بس وانا المستفيده من روحته لانه اذا رجع بيسفرني
كنت اقوله هالكلام علشان ما ابين له اني منقهر بس انا مصدومه هو صدق يتكلم او يحاول يمزح مزح اغاضه؟؟
وقالي ها عاد ماوصيك نطي بوجهه الصبح أسأليه بتروح مصر والا لا
انقهرت من كلامه كان يقهرني ونقدت عليه كثيير وتمنيت اني ماشبكت ماسنجر معاه ليش يقولي هالكلام
حسيت من كلامه انه فيه بينه وبين زوجته هواش او شي لان اسلوبه يقول بحذف زوجتي وبزرانها عند اهلها
قلت ليش تقول كذا بتقط زوجتك انا بنسخ محادثتنا وارسلها لها قال لا ماتقدر تقرا عيونها ناشفه
انقهرت من كلامه لي الصراحه ومصدومه كيف اتأكد ان زوجي فعلا بيسافر معهم وكيف اتصرف وهل تعتقدون انه بس يحاول يقهرني والا صادق وزوجي مخبي عني مع اني حالفه قدامه لو سافر برى المملكه ثاني مره مالي قعده عنده وكيف يسويها وهو مواعدني الاجازه الخارجيه الجايه لنا بنسافر فيها للكويت كيف يكذب علي ثاني مره ويكنسلني ويسافر برى وهو مواعدني انه مايكررها
يابنات اقسم بالله ان انفاسي من القهر حااره مدري شسوي ماودي اروح اصحيه وأسأله واقوله عن كلام اخوي
اخاف تطلع السالفه صدق ويكون زوجي موب رايح معهم ويوم كلمته سهلت عليه العمليه لأن سفرته الاولى ماعلمني عنها تخيلو الا لمن سمعت من الحريم انهم بيسافرون ولما كلمته قالي ايه عندك مانع وماكنت بعلمك الا حزتها اخاف هالمره نفس اللي راحت يابنات شسوي وش تتوقعون
اسفه كلامي ملخبط بس من الهم اللي فيني حسبي الله ونعم الوكيل على من جرجر زوجي لهالسفرات مع انهم موب راعين خرابيط بس سفره ورى سفره تجر البلاوي والرجال مايندرى عنهم كل واحد يخرب الثاني