لو كنتي مكاني ايش راح تسووون

السلام عليكم ورحمة الله وبركاته

سالفتي سالفه واتمنى اي وحده تدخل تنصحني وتشور علي الله يثيبكم

حبايبي سمعو السالفة...........

كانت آخر دوره لي بتاريخ 3/9/ 2010 يعني كانت بنهاية رمضان 24 /9/ 1431 المهم جا شهر عشرة وتأخرت الدورة قلت يمكن الوضع عادي وتأخرت بسبب الكلوميد المهم رحت للمستشفى وخذت لي الدكتورة تحليل دم وكنت
حاااااااااااااامل والله فرحت كثييير وبست الدكتوره من الفرح لأن راح أكمل السنتين وما رزقت بطفل ( الحمد لله)
المهم بعد اسبوع من نتيجة التحليل يوم الاربعاء 5/10/1431 نزلت علي نقطة دم وهنا بديت أقلق رحت مستشفى الولادة وقالت لي الدكتورة تبغين تنويم أوترتاحين بالبيت قلت لها عادي لو ارتحت بالبيت قالت عادي ووقعت وطلعت للبيت استمر النزيف متقطع إلى يوم الأحد 9/10/1431 وهنا قررت أرجع للمستشفى ورجعت وقالت لي الدكتورة بقسم الطوارئ نفس الكلمة تبغين تتنوميين أو ترتاحين في البيت لأن بعدين ممكن اجهاض استخرت وبعدها تنومت كان دخولي للطوارئ بعد العشاء يعني بين الساعة 7 و8 المهم الساعة 4 الفجر قالو لي قومي جات الدكتورة وتبغى تسوي لك سونار المهم رحت وسوت لي وقالت لي الرحم فاضي مافيه شيئ قلت لها كيف وتحت بالطوارئ شافوه الكيس قالت يمكن انك منتي بحصرانه وراحت وتركوني بدون أدوية غير اللي كنت آخذهم بالبيت اللي هم (دافستون + فوليك أسيد) ولا عطتني أي تعليمات بالراحه ... إلخ المهم بعد يومين عادت السونار وقالت لي نفس العبارة الرحم فاضي لأنك حصرانه هذي المرة كثيير والله يا بنات خلتني في وضع نفسي ما يعلم فيه إلا الله المهم الاربعاء بالليل كنت أصرخ من الألم وأقول لهم أبغى دكتور يقولون لي الممرضات ما فيه دكتور كلمت زوجي الساعة 12 باليل وقلت له تعال طلعني أنا تعبانه والمستشفى ما فيه دكتور مناوب والله يابنات بدون مبالغة راحت الممرضة ركض وجابت لي دكتور عطاني مسكنات عاديه وبعدين عطاني ابرة فولتارين وابرة ثانية مارضو يقولون لي ايش هي وصباح الخميس كانت في دكتوره مناوبه وقالت لي الكيس موجود بس احتمال كبيير راح تجهضين والله يابنات من كلامها ارتحت اشوي بس تفاجأت اني ما أقدر أحرك ظهري بس منسدحه على ظهري المهم صباح الجمعة اللي راح نزل معي دم كثييير وقطعة عضلية بيضاء قال لي الدكتور المناوب البيبي نزل وحاول يهديني يوم السبت كنت مرة متوترة فصار بيني وبينهم هواش وقلت لهم أبغى البيبي قالو لي هذي بطانة رحم مش بيبي هنا ما بقى فيني عقل وصرت أصرخ عليهم مثل المجنونه وأقول لهم ان كل الحريم يعرفون بطانة الرحم لأنها تنزل مع الدورة فجابو لي دكتور مناوب قام قال لي كيس فاضي بدون جنين لما وصل الكلام هنا قلت لزوجي طلعني من هذا المستشفى المهمل والكذاب وطلعت على مسؤوليتي وسمعوا يا بنات احدى الكذبات قبل ما أطلع تقول لي الدكتورة المناوبه لا تطلعين لأنك تنزفين ويمكن البيبي لسا ما طاح لأن هرمون الحمل كان نسبته 95 وبعد تغييير الحقائق باعتقادي صارت 60 يعني النزول ما كان كثييير ابغاكم بس تنصحوني كيف اتعامل مع هذا المستشفى لأنهم يابنات اقهروني على نفسي ثم على اللي في بطني وكذب غبي لا وبعد اسرقوا مني 100 ريال ودبلتي حسبي الله ونعم الوكيل فيهم