لو كنت مكاني ايش تسوين؟؟؟؟؟ ادخلى وشوري علي برايك

تمر علينا الايام مرات سريعه ...ومرات بطيئة ...
ومرات كثير نحاسب انفسنا على اللى فات ..........
وتمر علينا لحظات تحتاج قرار,,,, ومو اي قرار لازم يكون قرارسديد
:
:
:
اناامر بهذي اللحظات الحرجه واحتاج استشاره واستخاره
وقصتي بين يديكم
بس قبل لا ابداء

المطلوب منك لوكنت مكاني ايش تسوين ؟؟؟

انا متزوجه وساكنه بجنب اهل زوجي واجيهم حسب الفراغ مع العلم اني كنت ساكنه معاهم وبعد المشاكل طلعنا

عيالهم اللى هم اخوان زوجي اللى تزوج وساكن بمدينه ثانيه ,,واللى راح يدرس

والبنات تزوجو وراحوا

وفضاااااااااااااااااااااااااااااااااااااا البيت

ما بقا الا ابو زوجي وامه وعندهم الخدم والسواقين

انا من انخطبت البنت الاخيره وانا افكر وش السواه ؟؟

قلت لزوجي اذا تبي نرجع نسكن معهم عادي بس هو رفض

مع انه اكره شى لي ,, لكن وضعهم يكسر الخاطر

خالتي ما فيه بيني وبينها تفاهم ابدا ..الحين تعاملني طيب عشان مصلحتها

زوجي يقول كل يوم نتعشى معاهم يعني من بعد صلاة العشاء الى وقت النوم نرجع للبيت

ومع اخذ بالاعتبار نظامنا اليومي من التدريس والنوم واللى بيتلخبط مع التغيير

السؤال هنا هل هذا كافي ؟؟؟ وهل استطيع تقديم شي اكثر ؟؟ وهل استطيع الاستمرار على ذلك ؟؟

فالتغيير الحاصل سيصبح نظام حياة

يمكن ما تحسون باهمية اللى اقوله بس اتمنى تفهمون كلامي وتحاولون تحطون انفسكم مكاني ؟؟

طلبتكم الاستشاره فشوروا على حتى اتخذ قرار ما اندم عليه ابدا

والجنه طلبي لكل من تشير اشاره خيره

وشكرا