لو كنت مكان هذي الزوجة بتضحين ؟ قصة واقعية

بسم الله الرحمن الرحيم
هذه قصة إنسانة أعرفها شخصيا
وهي قمة في الاخلاق والالتزام والهدوء بصراحة
والبنت الوحيدة بعد خمسة أولاد فكان لها نصيب من الدلال
وكانت متفوقة في دراستها وتسمع كلمات التشجيع
من امها وابوها والدعاء لها باستمرار، وكان ابوها يشجعها ويقول اتمنى انك تصيري دكتورة في الجامعة من يوم كانت في الابتدائي وهي تعيش هذي الامنية الجميلة
وتخرجت من الثانوية بتقدير ممتازبعدين من الجامعة بتقدير ممتاز مع مرتبة الشرف ،وخلال هذي الفترة تقدم لخطبتها الكثير ولكنها رفضت حتى تنهي دراستها.
بعدين قدمت لدراسة الماجستير وانقبلت .وبعدها انخطبت فوافقت وكان الشرط الوحيد أنها تكمل دراستها فوافق الخاطب وتم الزواج.
وكان زوجها يوفرلها كل اللي تحتاجه لكتابة الرسالة وحملت بطفلها الاول وجابته في الشهر السابع ولكنه ولله الحمد بخير وكانت صدمة قويه لها لكنها تجاوزتها لما تأكدت ان طفلها بخير.
بعدين حملت بطفلها الثاني وفي خلال تلك الفتره كان ابوها في مرضه اللي مات فيه وكان دائما يسألها متى المناقشة ؟ ويشجعها ولكنه توفي رحمه الله قبل أن تكمل الرسالة وحزنت كثير لانها كانت تتمنى انها تفرح ابوها وتحقق امنيته لما تاخذ الماجستير وبعده الدكتوراة ولكن قضاء الله نافذ.
وبعدين جابت طفلها الثاني. ومع كل هذي الظروف والمسؤليات الاانها كملت كتابة الرسالة في سنتين ونصف ماشاء الله. وطبعت الرسالة وقدمتها للقسم
وتم تحديد موعد المناقشة
اليوم اللي بتقطف فيه ثمرة اجتهادها وصبرها وسهر اليالي وتحقق امنيتهامن يوم هيه صغيرة .
لكن اش تتوقعون صار ؟ شي لايصدق
رفض زوجها أنها تحضر المناقشة بحجة أن لجنة المناقشة رجال وأن المناقشة بتتسجل على شريط كاسيت وتوضع نسخة في مكتبة الجامعة. .
والمفاجاة الثانية اش تتوقعون اختارت ؟
طبعا وافقت على انها ما تحضر ، وقدمت رغبته على رغبتها بكل سهوله ، كانت تقوللي أخاف اذا خالفته مااتوفق في حياتي ابدا . صراحة كانت تخاف الله فيه وما كانت تبغى أي مشاكل في حياتها وكانت تتألم في داخلها وتبكي ولا تبين لزوجها عشان ما يتضايق.
وطبعا تدخل اهلها بس كان زوجها يرفض النقاش او الكلام في الموضوع اصلا .حتى ان واحد من اقاربها دكتور في جامعة ثانية كلم رئيس القسم وبالصدفة كان درسها واخذت معاه 100من 100ماشاء الله تبارك الله فوافق على تحديد موعد جديد للمناقشة .لكن برضوه مافي فائدة رفض زوجها.
هذي قصتها وتضحيتها بكل طموحاتها . اتمنى تتفاعلو وتقولو رايكم ولكم جزيل الشكر.