الجد -- السلام عليكم يا اهل البيت

الجده -- وعليكم السلام رخي صوتك يا ابو محمد البنات الصغار نايميين

الجد -- طيب خوذي التميز هاذا والفول البلدي وخليهم على جنب وانا بصحي البنات بنفسي خلاص يكفي نوم وحشوووني


نوره واقفه على الباب وتفرك عيونها وساره تتقلب في الفراش كسلاااانه


الجد -- يا بعد عمري يا نوره انتي صحيتي

نوره -- ايه يا جدي وين جدتي

الجده -- انا هنا يا بنتي تعالي



يخرج الجد مفزوع من غرفة الجده وينادي بصوت كله خوف


الجد --- يا ام محمد يا ام محمد تعالي قوااام

الجده -- بسم الله ايشفيه

وخالد ونوره يرحون ركض للغرفه وانفاسهم محبوووسه



الجد -- البنت ساره مولللعه مصخننننه جبهتها زي النار ايش نعمل يا ام محمد

الجده تحظن ساره -- الله اكبر بسم الله يا عمري عليها ايشفيها لا يكون انقرصت البنت واحنا ما ندري


نوره تلزق في الجدار وتبكي

خالد يجلس بجنب الجده ويمسك يد ساره










ايمان --- السلااااااااااااام عليكم وين الناس


الجد-- احنا هنا كويس جات ام البزران خليها تعلمنا ايش نسوي

ايمان -- امي ايشفيه

الجده -- ما ادري يابنتي هذي ساره مولللعه

ايمان تحظن ساره وتاخذها للحمام وتغطس رجلينها ويدينها بالماء وتلفها في منشفه نظيفه

وتدهنها بالزيت زيتون وكم نقطة ليمون وتلبسها ملابس دافيه

وتحطها على حظنها وتقرأ عليها من القران الكريم


وشوي شوي تتورد خدود ساره ويرجع لونها وتبرد اطرافها


الجده --- وووه الحمد لله يارب كذا يا سروره تفزعيني عليك

الجد -- اللي يشوفنا انا وامك يقول ما بحياتنا خلفنا الظاهر كبرنا وخرفنا

ايمان -- بعد الشر عنك يا ابوي انتم الخير والبركه

خالد ونوره واقفين بطرف الغرفه يتأملون الخاله ايمان باعجاااااااااااب


ايمان الاخت الكبرى لفضه شخصيتها قووويه


متماااسكه صبوووره

تهتم بكل تفاصيل اهلها

ادوية امها وابوها تعرف مواعيدها وتذكرهم فيها


ايمان ما لها حظ في الرجال اتزوجت واطلقت بسبب مشاكل اهل الزوج

وتزوجت مره ثانيه واستمر زواجها

ولكن زوجها رجل دفش نكدي بخيييييل


وعندها منه 4 بنات و3 اولاد

هم زهرة شبابها وكنزها

الثمييييين








خالد -- السلام خاله ايمان

ايمان -- ايوووه كذا انا قلت بستناه هو يجي يسلم

كبرت يا خالد وصرت رجال

وانتي يا نوره بتسلمين علي والا ارجع بيتي

تظحك نوووره وتجي ركضض تسلم على الخاله ايمان


وتتعالى اصوااااااااااااات من المقلط وصوت الجد ابراهيم يعلوا كل هالاصوات


الجد --- ايماااااااااااان تعالي فكني من بناتك واولادك حشى عصابه مو عيله

ايمان تكلم خالد ونوره وساره -- اييييه صح ما عرفتكم على عصابتي اقصد بزورتي تعالوا معاي


تعرف خالد واخواته على اولاد الخاله ايمان وكانوا اشقياء يحبون اللعب

ويلتفون حوالين الجد ابراهيم مثل العصافير على اغصان الشجر








تدخل الخاله منى وزوجها طلال معاها ما سك يدها

طلال -- منى حبيبتي تكفين امسكي نفسك هذولا بزوره يمكن يكشوا منك لو بكيتي قدامهم

منى -- طيب بحاول يارب ساعدني




الجده -- هلا بولدي طلال اتفضل ادخل المجلس عمك وزياد وخالد يستنوك انت ومحمد من بدري


تعالي يا منى هذي نوره وهذي ساره يا بنات هذي خاله منى



منى -- يا امي بالمررره حلوات ما شاء الله تعالوا عندي

تحظنهم الخاله منى وتفتح شنطتها السوداء الصغيره وتخرج منها علبة حلاوه شوكلاته صغيره

وتفتحها وتناولها لنوره وساره


منى -- خوذي يا نوره هذي شكولاته واعطى ساره منها خوذيها كلها لكم

تخجل نوره تاخذ العلبه

تدخل ايمان الحجره وبحركه لا شعوريه تاخذ العلبه من يد منى وتحطها في يد نوره


ايمان -- هلا منى لساك ما سلمتي على خالد روحي سلمي عليه شكلوا الولد هذا بيجنن بنات العيله

شكلوا كدا تقييييل وموزون مو مثل ولدي فهد طايره خشته ومهبول


الجده -- حرام عليك يا ايمان حتى فهد يا زييينه


منى -- هذا انت يا خالد كيف حالك

خالد -- الحمد لله

طلال زوج منى --شوفتي يا منى خالد بيغطي علي صاير رجال ما حسبته كبير كذا

منى -- وووه بسم الله على خالد الله يحفظه


طلال --اسمع يا خالد بعد صلاة العصر با خذك مشوار مع الجد وخوالك وبنروح عند المزرعه حقتي

نستانس فيها ايش رايك

خالد -- اللي تشوفونه على كيف جدي


الجد -- خلاص على بركة الله العصر العصر



منى رقيقه ملامحها جميله وشعرها بني ونااااعم

تزوجت طلال ولد الجيران بعد قصة حب بريئه

يمتلك طلال مزرعه صغيره لزراعة النعناع والورد المديني والنمام والدوش

يعتني فيها ويبيع منها ما قسم الله له فيها من رزق



واستمر زواجهم هادي

ما يعكر صفو حياتهم الا موضوع الاطفال

8 سنوات بلا اطفال

ولكنها 8 سنوات

من حب

من وفاء

من موددده

ورحمه



تجتمع الاسره كامله بحضور الخال محمد وزوجته سعاد واولادهم


وينقضي اول يوم جميل من عقد اللؤلؤ الفريد الذي نسجته هذه الاسره

المترابطه

البسيييطه


الغنييية

النفس

والمشاعر

والرووووووووووح

شكرا لكل المتابعات القصه

واراءكم على العين والراس



تابعوني في باقي الاجزاء وتفاصيل صغيره عن حياة

الاسرة البسيطه


والاحداث المؤلمه اللي يمرون فيها

وايش تاثيرها على خالد

واخواته




تابعوني الليله في الليل او قبل الفجر

ان شاء الله


الله يسعدكم كلللللللكم

رااائعه ماشاء الله تبارك الرحمن

ننتظرك وراح اضيفه للمفضله لا يضيع الموضوع واتورط

الله روووووووووووووووووووووعة انت عن جد مبدعة بس الله يرضى عليك حاولي انك تكتبيها كامله .......

يا اخواتي بحاول اني اكتب الجزء حق بالليل ذحين او بعد ساعه

لان شكلي في الليل ولا الفجر ما اقدر ادخل النت

عندي ظروف بسيطه



الله يسعدكم كلكم