ليش افكارنا تتصادم مع افكار ازواجنا و نحس بعدم انسجام ..

اهلا بالجميع ..



باذن الله راح اطرح سلسله مواضيع حول الحياة الزوجيه بمجهودي الشخصي وهذا اول موضوع منها . .






بالبدايه شيء جميل ان ندفع حياتنا للافضل و نسعى لفهم شريك العمر و دفعه لتغيير بشكل غير مباشر لتحقيق انسجام و تفاهم اكثثر ..



فتركيبة مخ الرجل و المرأه تختلف و لو ماعرف كل واحد منهم هالشي راح يحدث تصادم افكار وعدم انسجام..



فالزوج رجل جاد يفكر بمنطقيه و شموليه و تركيز اكثرر و الزوجه أمرأه عاطفيه و منجزه ومحبه للتفاصيل والتدقيق ..



الزوج غالبا يفضل انه يخبئ عن زوجته افكاره و بعض مخططاته لحياتهم لانه يعلم تمام العلم ان الزوجه راح تبدأ سيل التوجيهات و النصائح من مبدأ ( أبغى مصلحتنا ) لكن الزوج يفهم انها تعتقد انه يسيئ التصرف و ربما يعتبر كلامها تهديد لقيادته و رجولته ..



لذلك يفضل ان يبقى غامض و صامت خصوصا لو كان مهزوز الثقه ونزعته الشرقيه تأمره بالسيطره على العلاقه فيبقى ( كتله معقده صعب تفكيكها بالنسبه للزوجه ) و هالشي يخليه مرتاح ومطمئن البال ..



لانه و باختصار اذا اعطاها ماعنده وكشف اوراقه يعتقد انه اصبح زوج فاشل غير قادر على امساك زمام الامور و يظهر للزوجه انه يحتاج مساعده و توجيه فتبادر بحسن نيه لمساعدته لاعتقادها انه يحتاجها؛ فتبدأ المشاكل ..



على سبيل المثال :



_ تجي و حده تقول زوجي اختار غسالة الملابس من دون ان ياخذ رأيي وتفاجئت انه اختار غرفة النوم بدون مايرجع لي و زعلت و قلت رجعهم مابغاهم ..



^ تفسير تصرفات الزوج مايقصد يغيضك ولا يحقر ذوقك بالعكس كان يبغى يثبت انه( صاحب ذوق رفيع + انه قادر ينجز + يعرف يتصرف + والدافع الاكبر المخبئ انه يتهرب بهالحركه ويخفي عجزه المادي عنك لان لو شاركتي بالاختيار لاانفضح امره ) ..



لان العجز المادي يعتبره سوء اداره منه و قلة تدبير و هالشي يشوه صورته قدام زوجته ..




شيء آخر له علاقة بفصي المخ و التركيز عليهم فالرجل يركز على عمل واحد ينتهي منه يبتدي بغيره لكن المرأه تنجز اكثر من عمل وغالبا بنفس الكفاءه..

هالشي ايجابي جدا ويفسر اكثر مشاكل الازواج و مافي أي تقليل من قدرة الرجل لانه يعتبر اكثر تركيز باداء الاعمال بحكم انه يصب كل جهده بشيء واحد فقط .



لتقريب اكثر اضرب لكم مثال :



_ زوج يتابع المباراة او الاخبار و زوجته تتكلم معه في استعدادت حفلة الخميس وهي تذاكر لولدها و بنتها بنفس الوقت ... الزوج يمشي السالفه ويهز راسه بس ماهو مركز ابدا وكل تفكيره في يشوفه بالتلفزيون و الزوجه متحمسه جدا فجأه تكتشف انه ( يسلك لها ) تنفجر في وجهه و تبدا سلسلة اتهامات لزوج البريء ..



اما مايخص العاطفيه والمنطقيه ؛ فالزوجه اذا وقعت بمشكله غالبا تتكلم بدافع الفضفضه اكثر من ايجاد الحل ؛ على عكس الزوج يتكلم يبحث عن الحل اكثر من انه يفضفض ..



_ بمعنى الزوجه تشكي لزوجها موضوع مضايقها على طول الزوج رده يكون ( حل منطقي ) تتحطم الزوجه لانها تبغى الطبطبه و استثارة عطفه والفضفضه ايضا ..






اتوقف هنا والمعذره على الإطاله و البقيه باذن الله بموضوع منفصل بناء على طلب بعض الاخوات حتى لا تتشتت المعلومات ..



شكرا لكم جميعا .. أسعد جدا بإضافاتكم ..