ليش تضعي نفسك بموقف شبهه..!!ابغى ارائكم

السلام عليكم ورحمة الله

اليوم بالمستشفى شفت موقف
رجال جالس يكلم وبالزاويه مكان صاد بمدخل المستشفى المهم شوي وتجي بنت بلبس المستشفى بالطو ضيق والله يابنات ان الملابس الداخليه حدودها واضحه ومتنقبه عادي (الله يهديها)..
وتجلس معاه سوالف برضوه عادي انا عن نفسي قلت يمكن اخته يمكن تقرب له ليش الواحد يشك ويحط بذمته لكن راقبت نضرات الناس اي واحد يدخل مع البوابه على طول نظراته تتجه لهم ونظرات ترقب وشك ويمشي وهو يطالع فيهم سواء كان من المرضى أو الزوار حتى دكاتره وموظفين المستشفى.. يمكن هي ماسوت شي اقصد وقفتها قدام الناس معه ماتخبت ويمكن اخته لكن ليش اخلي نفسي بموقف شبهه.. انتم معي بهذه النقطه؟

انا في البدايه ماشكيت فيها لكن مع نظرات الناس حسيت انها مسويه شي غلط ومن باب الفضول ضليت اراقب(الله يهديني) انا كنت جالسه بكرسي لاتفهموني غلط سأل البنت وين فلانه قالت في مكان المهم بتروح قالها لا اجلسي معي شوي قالت لا بتروح وعندها شغل وراحت شوي ويدق جواله ويكلم هلا والله هلا بعبير هلا حبيبتي وسواليف سواليف نفس المكالمه الأولى..بديت اشك اكثر..
يعني فرضا لو انا بمكانها وبقابل اخوي او ابوي اقلها لبست عباتي وقابلته بعكس لو بقابل امي أو اي حرمه.. يعني لو لابسه عبايه اتوقع محد يفكر يطالعها بهذي النظرات مستشفى وكثير حريم يجوا مع محارمهم..

ملخص الموضوع كثير تصرفات الواحد يعملها وواثق بنفسه لكن المجتمع ينظر لهذا الموقف بعين شك أو العيب فلأفضل اني اتجنب هذا الموقف حتى لو أنا متأكده انه عادي 100%..

تجنبا من اني اضع نفسي بموقف شبهه وعلى طول راح اصير بموقف شك وعرضه للإشاعات

من يوافقني برأي؟

مين عنداها موقف مشابه ياليت لو تذكره؟ نستفيد اكثر