ليش حريم مجتمعنا كذا ؟؟

مدري ليه فيه ناس يحسبو الحياه موقفه ع الزواج والا ع الزوج


اللي كذا تلقينها من تتزوج بس تجري ورى زوجها تطلب رضاه


عادي وربي الحياه حلوه مو لازم متزوجه عشان تكون مبسوطه
ومامعناه ان اللي ربي ماكتب لها نصيب يعني مأساه وتحزن وتكسر الخاطر
لالا مررررره لا موكذا ابداً

يعني لوماتزوجو وش بيصير
بنقطع ارزاقهم ؟

ولابتنقص اعمارهم ؟
ولاماراح يدخلون الجنه ؟
ولاذنوبهم ماتنغفر؟
استغفر الله بس

الوحده تعيش حياتها الله لماخلق الانسان ماخلقه عبث
ماخلقه الاوهومتكفل برزقه وهذول رزقهم على الله
مااحدله دخل فيهم دام ربي كفيلهم
بس وش نقول بالعقول الناقصه

يااختي هذا وهو كلام متعلمات يااختي خلاص هالافكار تعشعشه بروس الكثير من سنين
ومجتمع بعضه كذا

من حسن إسلام المرء تركه مالا يعنيه


زي ماربي أكرمهم المتزوجات قادر يكرم البقية ، والخيره فيما أختارها الله ومحد يدري عن ظروف الناس .. ثنتين من صاحباتي لسى ما اتزوجوا وحده كانت تقوم ف أبوها المريض رغم إن عندها إخوان وأخوات وكلهم تزوجوا بس هي رافضة عشان تداريه وتلبي طلباته ورغم إنه اتوفى رحمة الله عليه بس ماتحسرت ع اللي سوته بالعكس اتوظفت وعايشه حياتها وتقول كل اللي يجي من ربي خير ... والثانية نفس الوضع بس مع أمها وتزوجوا اللي أصغر منها وهي ماشاءالله حصلت ع ترقية ف عملها وعايشة حياتها والله عمري ماشفتهم يتحسرون ولا وحدة فينا تتجرأ تسألهم عن شي بالعكس فخورين إنهم أنجزوا وإنهن مؤمنين بما عند الله وباللي كاتبه ربي لهم


الله يرزقهم ويوفقهم ويوفق بنات المسلمين أجمعين

ههههههه سبحان الله اليوم البنت اللي ادرسها قالت لي "ايش اللي يفرق بينك و بين خالتي انتم الاثنين نفس العمر بس هي متزوجة و عندها عيال و إنتي لا".. تقصد انو احسن خالتها احسن مني ... أنا قلت هي اختارت انها تتزوج و انا اخترت اني اكمل دراستي.. على فكرة البنت عمرها ١٢ سنة.