ليش ما تجاوبني

ارجعي مثل العاده ..
بس يعني انتي تاكلين بالعادة خبزتين ع الفطور خليها خبزة ..
الحلا خليه مرة بالأسبوع ..
الرز خليه 2 مرتين او ثلاث ..
اشربي مويه كثير ..
اي شئ كولي نص العاده ..
وامشي حاولي نص ساعه ..
:)

حبيبتي ألف مبروك على وصولج الوزن هذا .. و ثاني شي للمحافظة على الوزن حاولي إنج تلتزمين بنظام صحي يعتمد على الخضراوات أكثر شي .. و الحلويات لا بأس إذا كانت مرتين بالاسبوع و بدون اسراف :) و الله يوفقج ان شاء الله

حبيبتي ريري اشكرك على ردك السريع انت انتي امجربة هذه الشغلات او نفعت

ماشاااء الله الله يحفظك
حاولي انك ماتتعشين متاخره واشربي مويه
ودائما امشي

مشاء الله تبارك الله....
خلاص حبيبتي...انت الحين بتدخلين مرحلة ثانية من حياتك....
يعني لا يمكن ترجعين للحياة اللي قبل ابــــــــــــــدا....إلا اذا تبغين تكونين مثل ايام زمان....
يعني حاااولي دائما يكون عشاك خفيف....او غداك خفيف....وحدة منهم لازم تكون حاجة بسيطة والفطور مثلا يكون خفيف...يعني وزاني بين وجباتك وخلي عندك قاعدة الحذف والاستبدال...
فرضا رحتي لضيوف واكلتي عندهم كثيـــــــــــــــــر..... باليوم الثاني سوي تخفيف قووووي ولا تكثرين اكل بكذا بتضمنين ان وزنك دائما ما راح يزيد...
بعدين الميزان لا يبعد عنك واول ما يزيد وزنك ثلاثة كيلو بالكثيـــــــــــــــــــــر..... وقفي...وسوي ريجيم على كيفك ونقصيهم من جديد بعدين ارجعي لنظام متوازن وحلووووو....والرياضة خليها صديقة لك....واسهل شيء هو المشي....امشي كثير وبتشوفين كيف دائما راح تحافظين على جسمك مشدوود وبنفس الوقت ما راح يزيد وزنك