شوكولاتتتته888 @shokolatttth888

عضوة فعالة

ليش ما يبادر هو ؟

السلام عليكم
البارحة صارت لي مشكلة مع زوجي و شدينا بالكلام و اول مرة من تزوجنا يرفع صوته علي ، هو نادرا ما يزعل و بسرعة يرضى ما شاء الله لو امسك يده بس رضى ، لكن عمره ما بادر و راضاني حتى لو هو غلطان لازم ينتظرني انا ابدا مع ان يبان عليه متضايق من الوضع ، انا ما ودي يتعود ان انا اراضيه مابي اظل طول عمري جذي بس انا عارفة انه ما راح يبادر و احترت شسوي ، هل صحيح انه معظم الرجال ما يبادرون ؟ شتسوون في هذي الحالة ؟؟ الحمدلله ما اعتبرها مشكلة بس حبيت افضفض لاني متضايقة 😔😔

يلزم عليك تسجيل الدخول أولًا لكتابة تعليق.

تسجيل دخول

الجميله نور محسن • 5 سنوات

اي والله اغلبهم مايبادرون والمشكله رضاهم صعب بعد .... ف احمدي ربك اللي عندك بسرعه يرضى
مع ان زوجي كذا وكذا مرات يبادر ومرات يطنش ومرات اذا بادر وانا ابي اتشره عليه يزعل اكثر عن قبل 😂😂

شبهوني بالقمر • 5 سنوات

خليكي راضيه ما دام مايرفع حتى صوته عليكي وشكله الموضوع قوي حتى صار هيك ولما يتكرر إنه يزعلك إحزني بصمت كما يحزن الأطفال ولبي له كل متطلباته لكن خليه يشوف حزنك الصامت وسيراضيكي ان شاء الله
لكن هالمرة راضيه انتي ومافيها شي وليس العتب على من لايعتذر عند الخلافات إنما العتب على من لايعتذر وهو الأعقل
معنى كلامي ان العتب على الشخص العاقل وليس على المخطئ

القلب المعطاء • 5 سنوات

الاغلب مايعتذر ولايراضي يسولف عادي وماكأن شي صاير لااحساس ولاضمير جفاف 😅💔
احمدي ربك يرضى بسرعه غيرك مايرضى وهو الغلطان اصلا ويطلعك انتي الغلطانه ابشرك مب هو عنده أنه ملاك مايغلط
وسعي صدرك بس ⁦❤️⁩

دمعه زمان 1 • 5 سنوات

ألـوان الورد~ :

لا يمكنك مشاهدة هذا التعليق لانتهاكه شروط الاستخدام.

معاها

لارا@ • 5 سنوات

"خيرهما الذي يبدأ بالسلام"
لكن لا تعتذري ما دام ما غلطتي

بادري بالاصلاح مو غلط ولا تتعودي على طول الزعل
وعلفكرة حيتعلم منك لذلك استمري
والاعتذار والمبادرة شي حلو لكن بعض الناس مو متعودة او تعتبرها ضعف لكن لا تركزي على هالموضوع وشوفي جوانبه الجيدة الاخرى

وادعي الله كثير انو يوفقكم ويسخركم لبعض