ليش نعطيهم اكبر من حقهم

السلام عليكم ورحمه الله وبركاته
زي ما انا كاتبه ليش نعطي اهل الزوج اكبر من حقهم :mad:
في اخت من الاخوات هنا نزلت موضوع انو ام زوجها واخواتو كارهينها لانو كانت نفاس وما قدرت تروح العزا اخو زوجها وراحت العزا بعد الاربعين وكانت حاطه شوي ميك اب.....
انا عن نفسي مايهمني رضاهم والله لو بسعى لرضا احد اهلي اولى بدا الشي وبالذات ماما وبابا الواحد ايش ما يسوي ما يكمل ببرهم
الوحده مننا ادا تزوجت بس خلاص انتهى دوا الوالدين وجا دور اهل الزوج تقطع نفسها عشان ترضيهم انا ما اؤيد هدا الشي خليكي كافيه خيرهم وشرهم بس لو زاد الشر لازم كل واحد يوقف عند حدو مين ما كان بس بطريقه لبقه اللي تقهر وبنفس الوقت ماتخلي احد يمسك عليكي زله والله انا استحملت كتير من يوم ما خطبوني الى يوم زواجي وانا بعمري ما فرحت زي غيري منهم وكنت في كل مره اشوفهم اعطيهم اهتمام ولما انا اكون معاهم انواع التطنيش بس انا استحملت دا كلو عشان بس اكون مع حبيبي زوجي وانا الحين معاه كافيه خيري وشري ومع انو زوجي يبغاني اقعد مع مامتو كتير لانو هي دحين لحالها بناتها كلهم تزوجو وانا ساكنه معاها عارفين ايش اقولو كتر خيري انو انا الين دحين ما اخدت حقي من اهلك وفوق دا تبغاني اقعد معاها انا بمزاجي الوقت اللي ابغى اقعد فيه قعدت واقولو منك لاهلك انتا حر بس يخصني مالك دخل عارفين ليش يسكت لاني شوفت الويل منهم وانتو عارفين انا حتى بهديه دحين او مستقبلا ما افكر اخد لهم وانتي لو تحطي من طولك والله ماهز شعره منهم
وانا عارفه كتير بينتقدوني بس انا عارفه نفسي اني على حق واللي بينتقد ابغاها وحده تحط نفسها بمكاني اللي بقول عنو ادا شفت انتقادكم واتمنى اشوف ردودكم
دعواتكم الله يخلينا لبعض امين ويرزقني



انا يوم زواجي تزوجت مع اختو نظرا لظروف زوجي الماديه انا ما انكر انو زوجي ما حط ولا قرش في الزواج بس تخيلي انا في الزواج زي زي الضيوف ما قلنا شي واهلي ولاكانو لهم داعي في الزواج ما قلنا شي وانا من النوع اللي اسمع اغاني الله يهديني كنت ابغى زفتي اغاني بس ما صار عشان باباه والحمدلله اني سويت زفتي اناشيد وكانت روعه نجي للزفه
انا انزفيت مع زوجي وكان الحمدلله اول ما طلعت تمام الين نص الممر شغلو اللمبات وقلنا مافيها شي واجي الين طاوله الكيك عشان اقطع الكيك قفلو الشريط وقلنا يالله قعدت اضحك ضحكه كدابه واوصل الكوشه المطربه تبغى تغنيلي شي كالعاده وقفوها اهل زوجي وشغل شريط بنتهم العروسه التانيه اللي هيا اختو وانا وزوجي لسه ما قعدنا على الكرسي انا وقتها ما قدرت خلاص بموت من القهر تعالو شوفو قمه الاحترام تخيلو انا لسى واقفه ما قعدت على الكرسي الا واشوف فوق في البلكونه العروسه وزوجها وانا على الكوشه والنجفه اللي في الكوشه مولعه يعني انا باينه بكل شي ياللي تتكلم عن الاحترام حطي نفسك مكاني انتي عروسه في الكوشه وفي رجال في نفس المكان ولا في البلكونه يعني يشوف كل شي واللي تحت ما شافو زيو اللي هما الحظور بس والله كنت اصرخ واضحك خلاص ما ادري ايس اسوي وزجي مسكين مو عارف ايش يسوي وانا ما انكر الله يخليه ليا ماشاء الله عليه يموت فيني وزعل وقتها من اهلو وبعدها خلاص هوا حر مع اهلو بس انا

ابغاها تتكلم اللي تقول الاحترام وحرام يعني ما قدرو يستنو 10 دقايق قال ايه قال تحريض وانا جزاني الله الف خير الين دحين ساكته ياللي تقول حسستني بفواد لما زوجتو تقولو...
ولا هدا ولا شي من اللي شفتو
ونسيت اقول انا لما شفت انهم فوق في البلكونه اخدت نفسي واهلي وخرجنا برا اول مرا اشوف عروسه تسلم على الناس في صاله الاستقبال الا هي انا وهدا يعتبر ولا شي من اللي سوه واناعارفه انو كتير حيعرفوني لاننا بعمرنا ما شفنا زي كدا